యమహా ఆటోమొబైల్​ గోదాంలో అగ్నిప్రమాదం

దిల్లీ గ్రేటర్ పరిధిలోని​ నోయిడాలో యమహా ఆటోమొబైల్​ సంస్థకు చెందిన గోదాంలో మంటలు చెలరేగాయి. ఈ ఘటనలో ఎవరూ మరణించలేదని అధికారులు స్పష్టం చేశారు. ఘటన స్థలానికి చేరుకున్న అగ్నిమాప సిబ్బంది తీవ్రంగా శ్రమించి మంటలను అదుపు చేశారు.

దిల్లీ గ్రేటర్​ పరిధిలోని నోయిడాలో అగ్నిప్రమాదం సంభవించింది. యమహా ఆటోమొబైల్​ కంపెనీ గోదాంలో ఈ ఘటన జరిగింది. అయితే సిబ్బంది అప్రమత్తతో ఎవరికి ఎటువంటి ప్రమాదం జరగలేదని పోలీసులు వెల్లడించారు.

"సూరజ్​పుర్​ ప్రాంతంలోని యమహా ఆటోమొబైల్​ విడిభాగాల గోదాంలో మంటలు చెలరేగాయి. అయితే ఈ ఘటనలో ఎవరికీ ఎటువంటి ప్రమాదం జరగలేదు."

-పోలీసు అధికారులు

బుధవారం ఉదయం 5గంటల సమయంలో మంటలు చెలరేగాయి. స్థానికుల సమాచారం మేరకు ఘటన స్థలానికి చేరుకున్న అగ్నిమాపక సిబ్బంది తీవ్రంగా శ్రమించి మంటలను అదుపు చేశారు.

ఇదీ చూడండి: దేశంలో ఒక్కరోజులో 2003 కరోనా మరణాలు