జేఎన్యూ విద్యార్థి సంఘం మాజీ అధ్యక్షుడు కన్హయ్యకుమార్, తదితరులపై ఉన్న దేశద్రోహం కేసు విచారణను దిల్లీ పాటియాలా హౌస్ కోర్టు ఫిబ్రవరి 28కి వాయిదా వేసింది. ఈ లోపు కేసు విచారణకు అవసరమైన సమాచారం సేకరించాలని దిల్లీ పోలీసులను ఆదేశించింది. నిందితులపై ఆంక్షల కొనసాగింపు ప్రభుత్వ నిర్ణయం అనుసారమే ఉంటుందని స్పష్టం చేసింది.
జవహర్లాల్ నెహ్రూ యూనివర్సిటీ స్టూడెంట్స్ యూనియన్ మాజీ అధ్యక్షుడు కన్హయ్యకుమార్పై 2016లో నమోదైన దేశద్రోహం కేసు విషయంలో దిల్లీ పోలీసులు 1200 పేజీల ఛార్జ్షీట్ దాఖలు నమోదు చేశారు. దీనిని సోమవారం దిల్లీలోని పాటియాలా హౌజ్ కోర్టులో దాఖలు చేశారు. దీనిపై బుధవారం విచారణ చేపట్టిన న్యాయస్థానం తదుపరి విచారణను ఫిబ్రవరి 28కి వాయిదా వేసింది.
ఏం జరిగిందంటే..
పార్లమెంట్పై దాడి చేసిన ఉగ్రవాది అఫ్జల్గురుకు నివాళులర్పిస్తూ 2016, ఫిబ్రవరి 9న జేఎన్యూ ప్రాంగణంలో కార్యక్రమం నిర్వహించారు. ఈ సమావేశంలో కన్హయ్యకుమార్తోపాటు జేఎన్యూ విద్యార్థులు ఉమర్ఖలిద్, అనిర్బన్ భట్టాచార్య భారత్కు వ్యతిరేకంగా నినాదాలు చేశారు. ఈ కారణంతో వీరిపై పోలీసులు దేశద్రోహం కేసు నమోదు చేశారు.
