హాస్పిటల్​​ కిటికీ ఎక్కి కూర్చుంది.. ఎంతకూ దిగిరానంది!

తమిళనాడులోని ఆసుపత్రిలో సిబ్బందికి చుక్కలు చూపించింది ఓ యువతి. వైద్యులను ఇష్టం వచ్చినట్టు తిట్టి కిటికీ ఎక్కి కూర్చుంది. పోలీసులు ఎంత బతిమాలినా దాదాపు రెండు గంటల పాటు దిగిరాలేదు. ఆఖరికి కాళ్లూ, చేతులు కట్టేసి మత్తుమందు ఇచ్చారు వైద్యులు.

తమిళనాడు సాలెం జిల్లా ఆసుపత్రిలో ఓ యువతి వీరంగం సృష్టించింది. హాస్పిటల్​లో వసతులు సరిగ్గా లేవని సిబ్బందిపై విరుచుకుపడింది.. కిటికీ ఎక్కి కూర్చుంది.

బంగాల్​ కోల్​కతాకు చెందిన ఎల్సికా బెనర్జీ.. బెంగళూరులో చదువుకుంటోంది. గత కొన్ని వారాలుగా తమిళనాడు సాలెం జిల్లా ఓమలూర్​ వీధుల్లో తిరుగుతూ కనిపించిన ఆమెను.. పోలీసులు ఓ హాస్టల్​లో చేర్చారు. అయితే, హాస్టల్​లో ఆమెతో కలిసి ఉంటున్న మరో యువతి జుట్టు కత్తిరించిందని ఎల్సికాపై పోలీసులకు ఫిర్యాదు చేసింది వార్డెన్​.

దీంతో ఆమెను సాలెం జిల్లా ఆసుపత్రిలో చేర్చారు పోలీసులు. ఆ ప్రభుత్వ ఆసుపత్రిలో సరైన సదుపాయలు లేవని.. మంచాలు కుంగిపోయి ఉన్నాయని సిబ్బందిపై విరుచుకుపడింది ఎల్సికా. వెంటనే ఆసుపత్రి సూపరింటెండెంట్​ను పిలిపించాలని పట్టుపట్టింది. వైద్యులను నోటికి వచ్చినట్టు తిట్టింది. మంచం కంటే కిటికీలే శుభ్రంగా ఉన్నాయంటూ కిటీకీ పైకి ఎక్కి కూర్చుంది.

పోలీసులు, ఆసుపత్రి సిబ్బంది రెండు గంటలపాటు బతిమాలినా దిగిరాకపోయేసరికి.. ఎల్సికా కాళ్లుచేతులు కట్టేసి.. మత్తు ఇంజక్షన్​ ఇచ్చారు వైద్యులు.

ఇదీ చదవండి:ఆస్తి కోసం బాబాయిని నడిరోడ్డుపై నరికేశారు!