ఇంట్లో ఉండే వస్తువులతో చిన్న పిల్లలు ఆడుకోవటం సర్వసాధారణం. కొన్ని సందర్భాల్లో వాటి ద్వారానే ఇబ్బందులు పడాల్సిన పరిస్థితులు ఎదురవుతుంటాయి. ఇలాంటి ఘటనే గుజరాత్లోని భావ్నగర్లో జరిగింది. ఏడాది వయసున్న ఓ చిన్నారి కుక్కర్తో ఆడుకుంటుండగా.. పాపం అందులో తల ఇరుక్కుపోయింది. గంటల తరబడి ఆ బాధతో తల్లడిల్లింది.
కుటుంబ సభ్యులు గమనించి కుక్కర్ నుంచి పాపకు విముక్తి కలిగించాలని ఎంత ప్రయత్నించినా ఫలితం లేకపోయింది. వెంటనే భావ్నగర్లోని ఓ ఆస్పత్రికి తీసుకెళ్లారు. పరిశీలించిన వైద్యులు ముందుగా పాపకు కుక్కర్ వల్ల అయిన గాయాలకు చికిత్స చేసి, దానిని తీసేందుకు ప్రయత్నించారు. ఆస్పత్రిలోని వైద్యులు, సిబ్బంది సుమారు 45 నిమిషాల పాటు కష్టపడినా.. కుక్కర్ను తీయలేకపోయారు.
చేసేదేమీ లేక.. కుక్కర్లను బాగు చేసే వ్యక్తిని పిలిపించి కట్టర్తో కత్తిరించారు. చివరకు కుక్కర్ లోంచి పాప తల బయటకు రావడం వల్ల తల్లిదండ్రులు ఊపిరి పీల్చుకున్నారు.
ఇదీ చూడండి: ఆహార నాళంలో 6 అంగుళాల టూత్బ్రష్!
