ఉత్తర్ప్రదేశ్లో మరో దారుణం బయటపడింది. తొమ్మిదేళ్ల బాలిక అత్యాచారానికి గురైంది. బాందా జిల్లాలోని బిసాందా పోలీస్ స్టేషన్ పరిధిలోని ఓ గ్రామంలో బుధవారం ఈ ఘాతుకం జరిగింది.
పొరుగింటి యువకుడే..
బాలిక ఇంట్లో ఒంటరిగా ఉండగా.. పొరుగింటి యువకుడు ఆమెపై కన్నేశాడు. అత్యాచారానికి పాల్పడ్డాడు. బాలిక తల్లి సాయంత్రం ఇంటికి వచ్చాక విషయం వెలుగులోకి వచ్చింది.
ఈ ఘటనలో సంశుద్దిన్(22) అనే యువకుడిని పోలీసులు అరెస్ట్ చేశారు. బాధిత బాలికను వైద్య పరీక్షల కోసం ప్రభుత్వాసుపత్రికి తరలించారు.
దళిత మహిళపై అత్యాచారం..
దిల్లీలో అమానుష ఘటన వెలుగుచూసింది. 21 ఏళ్ల ఎస్సీ మహిళ సామూహిక అత్యాచారానికి గురైంది. మవురానిపుర్ పోలీస్ స్టేషన్ పరిధిలోని ఓ గ్రామంలో ఈ ఘటన జరిగింది.
గ్రామంలోని ప్రైవేట్ పాఠశాలకు రమ్మని ఓ వ్యక్తి పిలవగా.. బాధితురాలు వెళ్లిందని పోలీసులు తెలిపారు. బుధవారం సాయంత్రం ఆమెపై నిందితులు అత్యాచారానికి పాల్పడ్డారని వెల్లడించారు. నిందితులను నరేంద్రసాహు, సాక్షమ్ సిరోతియాగా గుర్తించారు. వారిలో ఒకరు అదే పాఠశాల మేనేజర్ కాగా, మరొకరు అతని స్నేహితుడు. ఆ ఇద్దరిపై ఎస్సీ ఎస్టీ చట్టం సహా సంబంధిత సెక్షన్ల కింద పోలీసులు కేసు నమోదు చేశారు.
ఇదీ చూడండి:బాలికపై 22 రోజులపాటు సామూహిక అత్యాచారం
