పెంపుడు కుక్కకు సీమంతం.. బంధుమిత్రులతో కలిసి ఘనంగా..

Baby Shower for pet Dog: మన దేశంలో గర్భిణులకు సీమంతం పేరుతో వేడుకలు నిర్వహించడం సాధారణం. కానీ.. కుక్క‌ల‌కు సీమంతం చేయడం చూశారా? తమిళనాడుకు చెందిన కుటుంబం మాత్రం తాము పెంచుకుంటున్న కుక్క గ‌ర్భం దాల్చింద‌ని తెలిసి సీమంతం చేశారు. అంతే కాదు.. ఈ ఫంక్షన్​కు ఇరుగుపొరుగు వారిని కూడా పిలిచారు.

Baby Shower for pet Dog: విశ్వాసానికి మారుపేరుగా నిలిచే కుక్కలను చాలామంది అమితంగా ప్రేమిస్తుంటారు. అందుకే వాటిని కన్నబిడ్డల్లా అల్లారు ముద్దుగా పెంచుకుంటారు. అంతేకాదు.. బిడ్డలకు ఎలా ఫంక్షన్లు చేస్తారో వాటికి కూడా అలాగా వేడుకలు జరిపిస్తారు. ఇటీవల ఈ ట్రెండ్ బాగా పెరిగింది. ఇందులో భాగంగానే పెంపుడు జంతువు గర్భం దాల్చినా ఘనంగా వేడుకలు నిర్వహిస్తారు. సీమంతం జరిపి తమ సంతోషాన్ని చాటుకుంటారు. తమిళనాడులోని సిర్కాలి ప్రాంతంలో ఇటువంటి ఘటనే వెలుగుచూసింది.

పెంపుడు కుక్క సీమంతం వేడుకలు

నితీశ్​కుమార్‌, శివరాజ్‌ దంపతుల పిల్లలు తమ మేనమామ ఇంటి నుంచి కుక్కపిల్లను తీసుకొచ్చి పెంచుకుంటున్నారు. తమ పెంపుడు కుక్కకు 'సిక్కీ' అని పేరు పెట్టారు. వారి ఇంట్లో కుటుంబ సభ్యురాలిగా మారిన సిక్కీ.. ప్రస్తుతం గర్భం దాల్చింది. అప్పటి నుంచి నితీశ్​ కుటుంబ సభ్యులు ఎంతో అల్లారుముద్దుగా చూసుకుంటున్నారు. తమ కన్న బిడ్డలకు ఎలాగైతే సీమంతం చేస్తారో అదే రీతిలో ఇంట్లోని పెంపుడు కుక్కకు వేడుకగా సీమంతం నిర్వహించి అందరినీ ఆశ్చర్యపరిచారు. బంధుమిత్రులను, ఇరుగుపొరుగువారిని పిలిచి సీమంత వేడుకను ఘనంగా నిర్వహించారు. ప్రస్తుతం ఈ వీడియో సామాజిక మాధ్యమాల్లో వైరల్​గా మారింది.

పెంపుడు కుక్క సీమంతం వేడుకలో కుటుంబసభ్యులు

ఇదీ చదవండి: పుల్వామా నిందితుడిని ఉగ్రవాదిగా ప్రకటించిన కేంద్రం