Harithaharam as Vana Mahotsavam : బీఆర్ఎస్ ప్రభుత్వం ప్రతిష్ఠాత్మకంగా అమలు చేసిన 'హరితహారం' కార్యక్రమాన్ని 'వన మహోత్సవం' పేరుతో నిర్వహించాలని రాష్ట్ర ప్రభుత్వం నిర్ణయించింది. మొక్కలు పెంచే కార్యక్రమాన్ని ఉమ్మడి రాష్ట్రంలో కాంగ్రెస్‌ అధికారంలో ఉన్నప్పుడు వన మహోత్సవం పేరుతోనే పచ్చదనం పెంచే కార్యక్రమాన్ని చేపట్టారు.
ఈ కార్యక్రమం 1950లో ప్రారంభమైంది. 75 సంవత్సరాలు పూర్తి చేసుకుంటున్న నేపథ్యంలో ప్రస్తుతం ‘వజ్రోత్సవ వన మహోత్సవం’గా రాష్ట్ర ప్రభుత్వం నామకరణం చేసింది. మొక్కలు నాటేందుకు, సంరక్షణకు సంబంధిత శాఖలు తగిన చర్యలు తీసుకోవాలని రేవంత్ సర్కార్ ఆదేశాలు జారీ చేసింది.
