కడపలో పోలింగ్‌ రోజు అల్లర్లపై ఎస్పీ సిద్ధార్థ్‌ కౌశల్‌ చర్యలు - పలువురిపై కేసులు

SP Siddharth Kaushal: వైఎస్సార్ కడప జిల్లాలో పోలింగ్‌ సందర్భంగా అల్లర్లకు పాల్పడిన వారిపై ఎస్పీ సిద్ధార్థ్‌ కౌశల్‌ తీవ్ర చర్యలు తీసుకున్నారు. పోలింగ్ ముందు చెప్పిన విధంగానే, ఎన్నికలకు విఘాతం కలిగించి, అల్లర్లకు పాల్పడిన వారిపై కఠినంగా వ్యవహరిస్తున్నారు. ఈ నేపథ్యంలో ఎన్నికల సమయంలో, తర్వాత అల్లర్లకు పాల్పడిన 40 మందిపై రౌడీ షీట్‌ తెరిచినట్లు ఎస్పీ పేర్కొన్నారు. ఇప్పటికే కేసులు నమోదైనవారిపై నాన్‌ బెయిలబుల్‌ సెక్షన్లను సైతం పెట్టామన్నారు. శాంతిభద్రతలకు విఘాతం కలిగించే వారిపై గృహ నిర్బంధం, జిల్లా బహిష్కరణ చేస్తామని ఎస్పీ సిద్ధార్థ్‌ కౌశల్‌ తెలిపారు.