Yadadri Temple Prasadam in Digital Payments: యాదాద్రి భువనగిరి జిల్లాలోని యాదగిరి లక్ష్మీనరసింహ స్వామి పుణ్యక్షేత్రంలో పూర్తిస్థాయిలో నాణ్యమైన ప్రసాదాల తయారీతో పాటు, విక్రయాలలో సరికొత్త మార్పులు తెచ్చే యోచనలో దేవస్థానం ఉంది. ఆలయ పరిసరాలలో ప్రత్యేక యంత్రాలను ఏర్పాటు చేసి వాటి ద్వారా భక్తులు తమకు కావాల్సిన ప్రసాదాల టికెట్లను డిజిటల్ పేమెంట్ చేసి పొందే అవకాశం త్వరలోనే అందుబాటులోకి తెచ్చేందుకు కృషి చేస్తున్నామని ఈవో వివరించారు.
రోజు రోజుకు పెరుగుతున్న ఆదరణతో దేవుడి ప్రసాదాలను భక్తులకు సునాయసంగా చేకూరేలా అధునాతన వసతులను కల్పించనున్నట్లు ఈవో భాస్కరరావు తెలిపారు. డిజిటల్ పేమెంట్ చేసి టికెట్ కూపన్లతో ప్రసాదాలను కౌంటర్లలో పొందొచ్చన్నారు. ప్రస్తుతం లడ్డూ టికెట్ల కౌంటర్, ప్రసాదాలు అందజేసే కౌంటర్లు కొత్తగా వేర్వేరుగా ఏర్పాటయ్యాయి. భక్తులకు అనుగుణంగా మరిన్ని మార్పులు చేస్తున్నామని ఆలయ అధికారులు తెలిపారు.
