Pandem kodi Auction In Peddapalli : పెద్దపల్లి జిల్లా కమాన్పూర్లో పందెం కోళ్లను మంగళవారం రోజున పోలీసులు వేలం వేయనున్నారు. వాటిని మీరు దక్కించుకోవాలంటే ఉదయం 11 గంటలకు ఇక్కడికి వెళ్లి వేలం పాడాల్సిందే. అదేంటి పందెెం నిర్వహిస్తే పట్టుకొనే పోలీసులే పందెం కోళ్లను వేలం వేయడమేంటి అని విచిత్రపోతున్నారా! అసలు ఏం జరిగిందంటే?
గత నెల 27వ తేదీన కమాన్‌పూర్‌ మండలం పెంచికల్‌పేట శివారులో కోడి పందేలు ఆడేవారిని పోలీసులు పట్టుకున్నారు. అక్కడ స్వాధీనం చేసుకున్న రెండు పందెం కోళ్లను మంథని కోర్టు ఆదేశాల సూచన మేరకు నేడు వేలం వేస్తున్నారు. 27వ తేదీన కోళ్లను ఠాణాకు తీసుకువచ్చిన పోలీసులు వాటి కోసం ప్రత్యేక బోను ఏర్పాటు చేశారు. నిత్యం దాణా, నీటిని అందిస్తున్నారు. ఠాణా పరిధిలో ఇలాంటి కేసులు నమోదు కాకపోవడంతో వేలం పాట ప్రాధాన్యం సంతరించుకుంది.
