మద్యం మత్తులో దివ్యాంగురాలిపై అత్యాచారం- మనస్తాపంతో ఆత్మహత్య!

Man Committed Suicide After Raping a Girl in Satya sai District : శ్రీసత్యసాయి జిల్లా నంబులపూలకుంట మండలంలో ఆదివారం రాత్రి దివ్యాంగురాలిపై యువకుడు అత్యాచారానికి పాల్పడ్డాడు. స్థానికులు తెలిపిన వివరాల ప్రకారం జనార్ధన్ అనే యువకుడు​ ఒంటరిగా ఉన్న దివ్యాంగురాలైన బాలికను బలవంతంగా లాక్కెళ్లి అత్యాచారానికి పాల్పడ్డాడు. విషయం తెలుసుకున్న స్థానికులు అతడిని పట్టుకోవడానికి వెంటపడ్డారు. నిందితుడు గ్రామస్తుల నుంచి తప్పించుకుని పారిపోయాడు. ఈ రోజు ఉదయం సూసైడ్​ నోట్ రాసి అతడు ఆత్మహత్య చేసుకున్నాడు.

నిందితుడు గతంలో గ్రామ వాలంటీర్​గా పని చేశాడు. మద్యం మత్తులో ఈ దాడికి పాల్పడ్డట్టు పోలీసులు గుర్తించారు. ఆ తర్వాత మనస్తాపంతో ఆత్మహత్య చేసుకున్నట్లు భావిస్తున్నారు. గ్రామస్తుల ద్వారా ఫిర్యాదు అందుకున్న పోలీసులు వైద్య పరీక్షల కోసం బాలికను కదిరి ప్రభుత్వ ఆసుపత్రికి తరలించారు.