పల్నాడు జిల్లాలో పట్టపగలే రెచ్చిపోయిన దుండగులు- కత్తులతో దంపతులపై దాడి

Couple Attacked with Knives in Palnadu : పల్నాడు జిల్లాలో దారుణం చోటుచేసుకుంది. నరసరావుపేటలోని ప్రకాశ్​నగర్​లో ఓ అపార్ట్​మెంట్ వద్ద వృద్ధ దంపతులపై దుండగులు కత్తులతో దాడికి పాల్పడ్డారు. దీంతో అక్కడ ఉన్న స్థానికులు భయాందోళనకు లోనయ్యారు. ఈ దాడిలో విద్యుత్‌ శాఖ విశ్రాంత ఉద్యోగి దంపతులు రాధాకృష్ణ, పద్మావతి గాయపడ్డారు. ఈ క్రమంలోనే అగంతకులు అక్కడి నుంచి పరారయ్యారు. స్థానికులు బాధితులను చికిత్స నిమిత్తం ఆసుపత్రికి తరలించారు. పోలీసులు కేసు దర్యాప్తు చేస్తున్నారు.