శ్రీ సత్యసాయి బాబా నాటిన మహావృక్షం - పునర్జన్మ ప్రసాదించిన డిస్కవర్ అనంతపురం గ్రీన్ ఆర్మీ

Anantapur Green Army Saved Big Tree : 'వృక్షాలను పదికాలాలపాటు కాపాడుకుంటేనే మనిషికి మనుగడ' ఈ సూత్రాన్ని పాటిస్తూ మరో మహా వృక్షానికి జీవం పోసింది డిస్కవర్ అనంతపురం గ్రీన్ ఆర్మీ. ఇప్పటికే ఎన్నో వృక్షాలను కాపాడిన ఈ సంస్థ తాజాగా శ్రీ సత్యసాయి ఇన్‌స్టిట్యూట్ ఆఫ్ హయ్యర్ లెర్నింగ్ క్యాంపన్ వద్ద ఉన్న భారీ వృక్షానికి ప్రాణం పోసింది. దాదాపు 5 దశాబ్దాల క్రితం శ్రీ సత్యసాయి బాబా చేతులతో నాటిన మహావృక్షాన్ని అక్కడే క్యాంపస్​లోని మరో చోటుకి తరలించి ఆ వృక్షాన్ని బతికించారు. సుమారు ఐదు గంటలపాటు శ్రమించి జేసీబీలు, క్రేన్ల సాయంతో ఈ మహా వృక్షాన్ని తరలించారు. ఇలా ప్రతి ఒక్కరూ మహావృక్షాలను బ్రతికించాలన్న సంకల్పంతో ముందుకు వస్తే జిల్లా హరిత అనంతపురం అవుతుందని గ్రీన్ ఆర్మీ సభ్యులు తెలిపారు.