Young Man Died after Fell Down in Gundala Waterfalls : కుమురంభీం ఆసిఫాబాద్ జిల్లాలో తిర్యాణి మండలంలోని గుండాల జలపాతంలో ప్రమాదవశాత్తు ఓ యువకుడు జారిపడి మృతి చెందాడు. పెద్దపల్లి జిల్లాలో గోదావరిఖనికి చెందిన రిషి సోమవారం తన స్నేహితులతో కలిసి సరదాగా గుండాల జలపాతం అందాలను వీక్షించడానికి వచ్చారు. ఈ క్రమంలో రిషి సెల్ఫీ తీసుకోవడానికి ప్రయత్నం చేయగా ప్రమాదవశాత్తు కాలుజారి జలపాతంలో పడిపోవడంతో మృతి చెందాడు.
దీంతో స్థానిక పోలీసులకు సమాచారం అందించగా వెంటనే సోమవారం నుంచి ఈరోజు వరకు గాలింపు చర్యలు చేపట్టారు. బుధవారం రిషి మృతదేహాన్ని వెలికితీసినట్లు డీఎస్పీ సదయ్య తెలిపారు. మృతుడు జలపాతం సందర్శనకు వచ్చే ముందు ఇంట్లో ఎవరికీ చెప్పకుండా వచ్చినట్లు వారి స్నేహితులు చెప్పారు.
