Telangana Cheif Electoral Officer: జనవరి 01, 2024 నాటికి పద్దెనిమిదేళ్లు నిండే వారందరూ ఓటు నమోదు చేసుకోవాలని రాష్ట్ర ఎన్నికల ప్రధాన అధికారి సి.సుదర్శన్ రెడ్డి కోరారు. గత నెల 20 న ప్రారంభమైన ఎన్నికల జాబితా ప్రక్రియ కొనసాగుతోందన్నారు. అక్టోబరు 29న ముసాయిదా జాబితా ప్రకటించి, నవంబరు 28 వరకు అభ్యంతరాలను స్వీకరించి, జనవరి 6న తుది జాబితా ప్రచురించనున్నట్లు సీఈవో తెలిపారు.
ప్రస్తుతం రాష్ట్రవ్యాప్తంగా 3 కోట్ల 33 లక్షల 27 వేల 304 మంది ఓటర్లు ఉన్నట్లు పేర్కొన్నారు. ఏప్రిల్ 1 నుంచి ఇప్పటి వరకు 8 లక్షల దరఖాస్తులు రాగా వాటిలో 2 లక్షల 45వేలు పెండింగులో ఉన్నాయని సుదర్శన్ రెడ్డి తెలిపారు. ఈఆర్ఓ, ఏఈఆర్ఓ, బీఎల్ఓలకు శిక్షణ పూర్తయిందన్నారు. ఓటరు కార్డుకు ఆధార్ లింక్ సుమారు 60శాతం పూర్తయిందని చీఫ్ ఎలక్టోరల్ ఆఫీసర్ వెల్లడించారు.
