Bumrah vs Pakistan: 2024 వరల్డ్కప్లో పాకిస్థాన్పై అసాధ్యమైన విజయాన్ని టీమ్ఇండియా పేసర్ జస్ప్రీత్ బుమ్రా సుసాధ్యం చేశాడు. ఈ మ్యాచ్లో పాకిస్థాన్ చేతుల్లో ఉన్న గేమ్ను బుమ్రా లాగేశాడు. కీలక వికెట్లు నేలకూల్చి పాకిస్థాన్ పతనాన్ని శాసించాడు. ఫలితంగా లో స్కోరింగ్ మ్యాచ్లో భారత్ 6 పరుగుల తేడాతో నెగ్గింది. నాలుగు ఓవర్ల కోటాలో (3/14) అద్భుతమైన గణాంకాలు నమోదు చేసి 'మ్యాన్ ఆఫ్ ది మ్యాచ్'గా ఎంపికయ్యాడు.
అయితే ఈ మ్యాచ్లోనే కాకుండా గతేడాది జరిగిన వన్డే వరల్డ్కప్లోనూ బుమ్రా, పాకిస్థాన్ను తీవ్రంగా దెబ్బకొట్టాడు. ఆ మ్యాచ్లో డేంజరస్ మహ్మద్ రిజ్వాన్, షాదాబ్ ఖాన్ను పెలివియన్ చేర్చాడు. 7 ఓవర్లలో 19 పరుగులిచ్చి 2 వికెట్లు కూల్చాడు. ఇందులో 1 మెయిడెన్ ఉంది. దీంతో ఆ మ్యాచ్లోనూ మ్యాన్ ఆఫ్ ది మ్యాచ్ అవార్డ్ బుమ్రాకే దక్కింది. ఇలా గత రెండు ఐసీసీ ఈవెంట్లలో పాక్ను బుమ్రానే తీవ్రంగా దెబ్బకొట్టాడు.
