Sreejesh Prize Money: పారిస్‌ ఒలింపిక్స్ హాకీలో కాంస్యాన్ని ముద్దాడిన మాజీ గోల్ కీపర్ పీఆర్ శ్రీజేశ్కు కేరళ ప్రభుత్వం రూ.2 కోట్ల నజరానా ప్రకటించింది. రాష్ట్ర సీఎం పినరయి విజయన్ అధ్యక్షతన జరిగిన క్యాబినెట్‌ సమావేశంలో ఈ మేరకు నిర్ణయం తీసుకున్నట్లు CMO బుధవారం ప్రకటించింది. 'భారత హాకీ జట్టులో సభ్యుడు, 2024 పారిస్‌ ఒలింపిక్స్లో కాంస్యం సాధించిన శ్రీజేశ్కు రెండు కోట్ల రూపాయలు బహుమతిగా అందిస్తున్నాం' అని ఓ ప్రకటనలో తెలిపింది.
కాగా, 2004లో అంతర్జాతీయ అరంగేట్రం చేసిన శ్రీజేశ్ తాజా ఒలింపిక్స్లో రిటైర్మెంట్ ప్రకటించాడు. దాదాపు 2దశాబ్దాలపాటు శ్రీజేశ్ భారత హాకీ జట్టులు ప్రాతినిధ్యం వహించాడు. తన కెరీర్రో శ్రీజేశ్ మొత్తం 336 మ్యాచ్‌లు ఆడాడు. అతడి ఖాతాలో రెండు ఒలింపిక్‌ పతకాలతో పాటు రెండు ఆసియా క్రీడల స్వర్ణాలు, రెండు కామన్వెల్త్‌ రజతాలు, రెండు ఛాంపియన్‌ ట్రోఫీ రజతాలు ఉన్నాయి.
