ప్రజ్ఞానంద మరో సంచలనం- వరల్డ్​ నెం. 2 పై విక్టరీ- టాప్ 10​లోకి ఎంట్రీ

Praggnanandhaa Norway Tournament: భారత గ్రాండ్‌మాస్టర్‌ ఆర్​ ప్రజ్ఞానంద నార్వే టోర్నమెంట్​లో మరోసారి సత్తా చాటాడు. రీసెంట్​గా ఈ టోర్నీలో ప్రపంచ నెం.1 కార్ల్​సన్​ను ఓడించిన ప్రజ్ఞానంద తాజాగా వరల్డ్​నెం. 2 ఫాబియానో కరువానాను చిత్తు చేశాడు. ఐదో రౌండ్లో తెల్ల పావులతో బరిలోకి దిగిన ప్రజ్ఞానంద ఫాబియానోతో ఆదివారం తలపడ్డాడు. కాగా, ఓకే టోర్నీలో టాప్ ప్లేయర్ల (కార్ల్‌సన్, ఫాబియానో)ను ఓడించడం ప్రజ్ఞానందకు ఇదే తొలిసారి. ఇక ఈ టోర్నీలో 5 రౌండ్లు ముగిసేసరికి ప్రజ్ఞానంద 8.5 పాయింట్లతో 3వ స్థానంలో కొనసాగుతున్నాడు. టోర్నీలో మరో ఐదు రౌండ్లు జరగాల్సి ఉంది.