Portugal vs France Euro 2024:ఫుట్బాల్ దిగ్గజం పోర్చుగల్ ఆటగాడు క్రిస్టియానా రొనాల్డో ఆశలు ఆవిరయ్యాయి. యూరో కప్ 2024 క్వార్టర్ ఫైనల్లో తన జట్టు ఫ్రాన్స్ చేతిలో ఓడి టోర్నీ నుంచి నిష్క్రమించింది. అయితే నిర్ణీత సమయంలో ఇరుజట్లు ఒక్క గోల్ చేయకపోవడం వల్ల గేమ్ షూటౌట్కు వెళ్లింది. ఈ షూటౌట్లో ఫ్రాన్స్ 3-5 తేడాతో నెగ్గింది. దీంతో తన ఆఖరి యూరో కప్లో టైటిల్ సాధించాలనుకున్న రొనాల్డోకు నిరాశే మిగిలింది.
దీంతో ఫుట్బాల్ దిగ్గజం మైదానంలోనే కంటతడి పెట్టాడు. తన సహచర ప్లేయర్ల్ పెపె దుఃఖం ఆపుకోలేకపోయాడు. రొనాల్డోను పట్టుకొని ఏడ్చేశాడు. కాగా, 2004లో తొలి యూరో కప్ ఆడిన రొనాల్డో కెరీర్లో ఇప్పటిదాకా ఆరుసార్లు పోర్చుగల్కు ప్రాతినిధ్యం వహించాడు. ఇక ఈ మ్యాచ్లో నెగ్గిన ఫ్రాన్స్ సెమీస్లో స్పెయిన్తో తలపడనుంది.
