England ODI T20 Coach: మాజీ క్రికెటర్ బ్రెండన్ మెక్కల్లమ్కు ప్రమోషన్ లభించింది. ప్రస్తుతం ఇంగ్లాండ్ టెస్టు జట్టు కోచ్గా కొనసాగుతున్న మెక్కల్లమ్ వన్డే, టీ20 ఫార్మాట్లకూ హెడ్ కోచ్గా నియమితుడయ్యాడు. దీంతో మెక్కల్లమ్ మూడు ఫార్మట్లకు హెడ్కోచ్గా బాధ్యతలు చేపట్టనున్నాడు. ఈ మేరకు ఇంగ్లాండ్ క్రికెట్ బోర్డు మంగళవారం వెల్లడించింది. 'ప్రస్తుతం టెస్టులో మా ఆటను ఎంజాయ్ చేస్తున్నా. వన్డే, టీ20ల్లోనూ పనిచేసేందుకు చాలా ఆత్రుతగా ఎదురుచూస్తున్నా' అని మెక్కల్లమ్ అన్నాడు.
కాగా, 2022 మేలో టెస్టు జట్టుకు కోచ్గా బాధ్యతలు స్వీకరించిన మెక్కల్లమ్ తనదైన మార్క్ చూపించాడు. 'బజ్బాల్' వ్యూహం పేరుతో సుదీర్ఘ ఫార్మాట్లో ఇంగ్లాండ్ ఆట విధానాన్ని పూర్తిగా మార్చేశాడు. ఇక తాజాగా వన్డే, టీ20 ఫార్మాట్ బాధ్యతలు స్వీకరించడం వల్ల లిమిటెడ్ ఓవర్ల ఆటతీరును కూడా మారుస్తాడని అంటున్నారు. వన్డేలో టీ20 ఫార్మాట్, టీ20లో టీ10 ఫార్మాట్ ఆట చూడడం ఖాయమని నెటిజన్లు అభిప్రాయపడుతున్నారు.