Marriage Gift Scheme for Girl in Telangana: ప్రస్తుత రోజుల్లో అన్ని ఖర్చులు విపరీతంగా పెరిగిపోయాయి. దీంతో రోజువారీ కూలీ పనులు చేసుకునే భవన నిర్మాణ రంగ కార్మికుల కుటుంబాల పరిస్థితి దారుణంగా ఉంటుంది. ఇంకా అమ్మాయిల పెళ్లి చేయాలంటే చెప్పనక్కర్లేదు.. అనేక ఇబ్బందులు పడాల్సి ఉంటుంది. ఈ నేపథ్యంలోనే వారిని ఆదుకునేందుకు తెలంగాణ ప్రభుత్వం ఓ పథకాన్ని ప్రవేశపెట్టింది. కార్మికురాలు లేదా కార్మికుల కుటుంబంలో అమ్మాయిల వివాహానికి రూ. 30,000 అందిస్తోంది. మరి ఈ పెళ్లి కానుక అందుకునేందుకు ఉండాల్సిన అర్హతలు ఏంటి? దరఖాస్తు విధానం ఎలాగో ఇప్పుడు తెలుసుకుందాం.
అర్హతలు:
- ఈ పథకం తొలిసారి పెళ్లి చేసుకున్నవారికే మాత్రమే వర్తిస్తుంది.
- పెళ్లి జరిగిన తేదీ నుంచి ఏడాదిలోపు దరఖాస్తు చేసి ఉండాలి.
కార్మికుల కుమార్తె వివాహం అయితే:
- దరఖాస్తుదారురాల తల్లిదండ్రుల్లో ఒకరు కచ్చితంగా తెలంగాణ భవన, ఇతర కార్మిక సంక్షేమ మండలిలో సభ్యుడిగా రిజిస్ట్రేషన్ చేసుకుని ఉండాలి.
- కేవలం ఇద్దరు కుమార్తెల వివాహాలకు మాత్రమే ఈ పథకం వర్తిస్తుంది.
- పెళ్లి జరిగేనాటికి కార్మికుల కుమార్తెకు 18 సంవత్సరాలు దాటి ఉండాలి.
- ఒకవేళ తల్లిదండ్రులు ఇద్దరూ గుర్తింపు పొందిన కార్మికులు అయితే, ఎవరో ఒకరికి మాత్రమే వర్తిస్తుంది.
కార్మికురాలి వివాహం అయితే:
- దరఖాస్తుదారురాలు తెలంగాణ భవన, ఇతర కార్మిక సంక్షేమ మండలి రిజిస్ట్రేషన్ చేసుకుని ఉండాలి.
- అంతకుముందు పెళ్లి జరిగి ఉండకూడదు.
- ఈ పథకం కేవలం మహిళలకు మాత్రమే వర్తిస్తుంది. పురుషుల వివాహాలకు వర్తించదు.
దరఖాస్తు కోసం కావాల్సిన పత్రాలు
- పాస్పోర్ట్ సైజ్ ఫొటో
- భవన నిర్మాణ కార్మికుడి గుర్తింపు కార్డ్
- అమ్మాయి వయసు ధ్రువీకరణ పత్రం
- ఆధార్ కార్డ్ జిరాక్స్
- వివాహ ఆహ్వాన పత్రిక
- వివాహ వేడుక ఫొటోలు
- వివాహ ధ్రువీకరణ పత్రం
- రెన్యూవల్ చలానా కాపీ
- బ్యాంక్ పాస్ బుక్ జిరాక్స్
దరఖాస్తు విధానం
- అధికారిక వెబ్సైట్లోకి వెళ్లి అందులో డౌన్లోడ్స్లో Marriage Gift Scheme పై క్లిక్ చేయాలి.
- అక్కడ కనిపించే అప్లికేషన్ ఫామ్ను డౌన్లోడ్ చేసి ప్రింట్ చేసుకోవాలి. లేదా కార్మిక శాఖ కార్యాలయంలో తీసుకోవచ్చు.
- ఇప్పుడు దరఖాస్తు పత్రాన్ని తీసుకుని అందులో అడిగిన వివరాలను నమోదు చేయాలి.
- అప్లికేషన్ ఫామ్తో పాటు అడిగిన ఇతర పత్రాలను దానితో జత చేయాలి.
- ఈ పత్రంపై సంతకం చేసి సంబంధిత కార్మిక శాఖ అధికారికి అందజేయాలి.
- ఆ తర్వాత అధికారి వద్ద నుంచి దరఖాస్తు చేసినట్లుగా రిసిప్ట్ తీసుకోవాలి.
ప్రమాదవశాత్తూ మరణిస్తే రూ.6 లక్షల సాయం - ఈ స్కీమ్ గురించి తెలుసా? - Construction Workers Scheme
