Biden Says Only 'Lord Almighty' Can Drive Him Out Of Race : అట్లాంటాలో డొనాల్డ్ ట్రంప్తో జరిగిన మొదటి అధ్యక్ష చర్చలో వెనుకబడడంపై యూఎస్ ప్రెసిడెంట్ జో బైడెన్ స్పందించారు. ఆ రోజు తాను అనారోగ్యంతో ఉన్నానని, అప్పటికే బాగా అలసిపోయానని, అది ఒక 'చెడ్డ రాత్రి' అని పేర్కొన్నారు. అయితే తనను దేవుడు తప్ప మరెవరూ అధ్యక్ష ఎన్నికల పోటీ నుంచి తప్పించలేరని, తన గెలుపును అడ్డుకోలేరని నొక్కి చెప్పారు.
81 ఏళ్ల జో బైడెన్ జూన్ 27న అట్లాంటాలో రిపబ్లికన్ పార్టీ అభ్యర్థి డొనాల్డ్ ట్రంప్తో డిబేట్ చేశారు. అయితే ఈ చర్చలో ట్రంప్ పైచేయి సాధించారని, బైడెన్ పెద్దగా ప్రభావం చూపలేకపోయారని సొంత (డెమొక్రటిక్) పార్టీ నాయకుల నుంచే విమర్శ మొదలైంది. కొందరు ఆయనను పోటీ నుంచి తప్పుకోవాలని సూచించారు. దీనితో ఎన్నికల పోటీ నుంచి తప్పుకోనని తాజాగా బైడెన్ స్పష్టం చేశారు.
