Mirzapur Season 4 Update Sherrnavaz Jijina : ఓటీటీలో అదిరిపోయే రెస్పాన్స్తో దూసుకెళ్తోన్న వెబ్‌సిరీస్‌ల్లో మీర్జాపూర్ కూడా ఒకటి. ప్రస్తుతం మూడో సీజన్ మీర్జాపూర్ 3 అమెజాన్‌ ప్రైమ్‌లో స్ట్రీమింగ్ అవుతోంది(Mirzapur Amazon Prime). తాజాగా నాలుగో సీజన్పై బాలీవుడ్‌ నటి షెర్నావాజ్ జిజినా అప్డేట్ ఇచ్చారు.
మీర్జాపూర్ తొలి పార్ట్‌ నుంచి ఆ సిరీస్‌లో భాగమైన షెర్నావాజ్ మాట్లాడుతూ - "మీర్జాపూర్ 4 స్క్రిప్ట్‌ వర్క్ జరుగుతోంది. చాలామంది దానికోసమే పని చేస్తున్నారు. నాలుగో సీజన్ ఊహకు మించి ఉంటుంది. ప్రతిఒక్కరూ స్టన్ అయ్యేలా దీన్ని రూపొందించాలని ప్లాన్‌ చేస్తున్నారు. టీమ్‌లో ఉన్న ప్రతిఒక్కరూ ఎంతో ట్యాలెంటెడ్. ఈ నాలుగో సీజన్‌ను కూడా కచ్చితంగా ప్రేక్షకులు ఆదరిస్తారని నమ్మకం ఉంది" అని చెప్పారు. అతి త్వరలోనే మీర్జాపూర్ 4 రిలీజవుతుందని ఆమె తెలిపారు. ప్రేక్షకులు ఏమి కోరుకుంటారో దాన్నే మీర్జాపూర్ మేకర్స్ తెరకెక్కిస్తారని పేర్కొన్నారు.
