Kanguva Release Date : కోలీవుడ్ స్టార్ హీరో సూర్య లీడ్ రోల్లో తెరకెక్కుతున్న 'కంగువా' తాజాగా తన రిలీజ్ డేట్ను లాక్ చేసుకుంది. దసరా కానుకగా ఈ ఏడాది అక్టోబర్ 10న ప్రపంచవ్యాప్తంగా విడుదలయ్యేందుకు సిద్ధమవుతోంది. ఈ విషయాన్ని మేకర్స్ తాజాగా అనౌన్స్ చేశారు. సూర్య ఉన్న ఓ స్పెషల్ పోస్ట్ ద్వారా ఈ విషయాన్ని తెలియజేశారు.
అయితే ఇప్పటికే తమిళంలో అదే రోజున సూపర్ స్టార్ రజనీకాంత్ 'వేట్టయాన్' కూడా రిలీజ్కానుంది. దీంతో ఈ రెండిటికీ తీవ్ర పోటీ నెలకొనేలా ఉందని సినీ వర్గాల టాక్.
డైరెక్టర్ శివ తెరకెక్కుతున్న కంగువాలో బాబీ డియోల్, దిశా పటానీ లాంటి స్టార్స్ కీలక పాత్రల్లో కనిపించనున్నారు. స్టూడియో గ్రీన్, యూవీ క్రియేషన్స్, KVN ప్రొడక్షన్స్, పెన్ స్టూడియోస్ బ్యానర్లు ఈ చిత్రాన్ని సంయుక్తంగా నిర్మిస్తున్నాయి.
