ఆ విషయాన్ని నెగటివ్​గా చూడను : సమంత

Samantha IMDB : స్టార్‌ హీరోయిన్‌ సమంత రీసెంట్​గా ఐఎండీబీ రిలీజ్ చేసిన టాప్‌ 100 మోస్ట్‌ వ్యూడ్ ఇండియన్‌ స్టార్స్‌ జాబితాలో 13వ స్థానాన్ని దక్కించుకున్న సంగతి తెలిసిందే. దీనిపై తాజాగా ఆమె మరోసారి స్పందించింది. ఇండస్ట్రీలో పోటీ ఎప్పుడూ ఉంటుందని పేర్కొంది. "మంచి పోటీ ఉంటే ఆలోచనా శక్తి పెరుగుతుంది. ప్రతీ రంగంలోనూ ఒకరితో మరొకరు కంపేర్ చేసుకోవడం సహజం. నేను ఇతరులను చూసి స్ఫూర్తిపొందుతుంటాను. వారి విజయాలను చూసి ఎక్కువ కష్టపడి పనిచేయాలని భావిస్తాను. పోటీని నెగెటివ్‌గా చూడను. ఐఎండీబీ లిస్ట్​లో 13వ స్థానాన్ని దక్కించుకోవడం సంతోషం. నా కష్టానికి దక్కిన ప్రతిఫలం. కెరీర్‌ను ఇప్పుడే మొదలుపెట్టినట్లు అనిపిస్తుంది. అప్పుడే ఇన్నేళ్లు ఎలా గడిచాయో అర్థంకాదు. గొప్ప సినిమాల్లో ఛాన్స్​లు వస్తున్నాయి. ఇకపై మరింత ఎక్కువ కష్టపడి పనిచేస్తా" అని వెల్లడించింది. కాగా, సమంత త్వరలోనే సిటాడెల్​తో పలకరించనుంది.