Devara Tickets Booking : యంగ్ టైగర్ ఎన్టీఆర్ను ఎప్పుడెప్పుడు బిగ్ స్క్రీన్పై చూద్దామా అని నందమూరి ఫ్యాన్స్ ఆత్రుతగా ఎదురుచూస్తున్నారు. అయితే ఫ్యాన్స్ కోసం 'దేవర' మూవీ మేకర్స్ టికెట్స్ సోమవారం అందుబాటులోకి తెచ్చారు. తెలంగాణ ప్రభుత్వం నుంచి స్పెషల్ షోలకు అనుమతి లభించడం వల్ల హైదరాబాద్ సహా పలు నగరాల్లో బుకింగ్స్ ప్రారంభమయ్యాయి.
సోమవారం సాయంత్రం నుంచే టికెట్ బుకింగ్స్ ప్రారంభమయ్యాయి. సేల్ స్టార్ట్ అవ్వడమే ఆలస్యం టికెట్లు హాట్ కేకుల్లా అమ్ముడవుతున్నాయి. పలు థియేటర్లలో నిమిషాల్లోనే టికెట్లు సోల్డ్ ఔట్ అయ్యాయి. కాగా, కొరటాల శివ దర్శకత్వం వహించిన ఈ సినిమా సెప్టెంబర్ 27న గ్రాండ్గా రిలీజ్ కానుంది. జాన్వీ కపూర్ హీరోయిన్గా నటించింది. అనిరుధ్ సంగీతం అందించారు.
