NTR Devara : జూనియర్ ఎన్టీఆర్ లీడ్ రోల్లో నటిస్తున్న 'దేవర పార్ట్-1' షూటింగ్ దాదాపు ముగింపు దశకు చేరుకుంది. ఈ భారీ బడ్జెట్ సినిమాపై రోజురోజుకూ ప్రేక్షకుల్లో అంచనాలు పెరుగుతున్నాయి. బాలీవుడ్ బ్యూటీ జాన్వీ కపూర్ హీరోయిన్గా నటిస్తుండగా, బీ టౌన్ స్టార్ నటుడు సైఫ్ అలీ ఖాన్ విలన్ పాత్ర పోషిస్తున్నారు. తాజాగా ఈ సినిమా గురించి మరో వార్త సోషల్ మీడియాలో చక్కర్లు కొడుతోంది.
ఈ సినిమాలో మరో బాలీవుడ్ స్టార్ నటుడు నటిస్తున్నట్లు తెలుస్తోంది. సీనియర్ యాక్టర్ బాబీ దేవోల్ (Bobby Deol) కీలక పాత్ర పోషించినట్లు సమాచారం. పార్ట్- 1 క్లైమాక్స్లో బాబీ క్యారెక్టర్ రివీల్ కానుందట. ఇక సెకండ్ పార్ట్లో బాబీది ఫుల్ లెంగ్త్ రోల్ ఉండనుందని సోషల్ మీడియాలో ప్రచారం సాగుతోంది. అయితే బాబీ క్యారెక్టర్ గురించి మేకర్స్ త్వరలోనే ఓ క్లారిటీ ఇచ్చే ఛాన్స్ ఉంది.
