Jammu Kashmir Encounter : జమ్ముకశ్మీర్లోని కుల్గాం జిల్లా ఆదిగామ్ గ్రామంలో భద్రతా దళాలు, ఉగ్రవాదులకు మధ్య భీకర కాల్పులు జరిగాయి. ఈ ఎదురు కాల్పుల్లో నలుగురు సైనికులతో పాటు ఓ ట్రాఫిక్ పోలీసు గాయపడినట్లు అధికారులు తెలిపారు.
ముష్కరులు ఉన్నారన్న సమాచారంతో శనివారం ఉదయం జమ్ముకశ్మీర్ పోలీసులు, భద్రతా దళాలు కలిసి సెర్చ్ ఆపరేషన్ చేపట్టాయి. దేవ్సర్ ప్రాంతంలో ఉగ్రవాదులు ఎదుపడ్డారు. ఈ క్రమంలోనే ముష్కరులు కాల్పులు జరపడం వల్ల అప్రమత్తమైన సైనికులు ఎదురు కాల్పులు జరిపారు. దీంతో ఉగ్రవాదులు పారిపోగా, వారికోసం ఇంకా సెర్చ్ ఆపరేషన్ కొనసాగుతోంది.