Indians Deficient In Micronutrients: భారతీయులు ఐరన్, కాల్షియం, ఫోలేట్తో సహా ఆరోగ్యానికి కీలకమైన సూక్ష్మపోషకాలను సరైన మోతాదులో తీసుకోవట్లేదని 'ది లాన్సెట్ జర్నల్' అధ్యయనం ప్రచురించింది. అందులో దేశంలోని పురుషులతో పోలిస్తే ఎక్కువ మంది మహిళలు అయోడిన్ను తగిన మొత్తంలో తీసుకోలేదని తెలిపింది. మహిళలతో పోలిస్తే ఎక్కువ మంది పురుషులు జింక్, మెగ్నీషియంను తగినంత మొత్తంలో తీసుకోవడం లేదని పేర్కొంది.
ప్రపంచ జనాభాలో 99.3శాతం మంది తగినంత పోషకాలు తీసుకోవడం లేదని లాన్సెట్ జర్నల్ వెల్లడించింది. ప్రపంచవ్యాప్తంగా దాదాపు 70శాతం కంటే ఎక్కువ మంది ప్రజలు తగినంత అయోడిన్, విటమిన్ ఈ, కాల్షియం తీసుకోవడం లేదని పేర్కొంది. ఇక వివిధ దేశాల్లో పురుషులతో పోలిస్తే మహిళలు అయోడిన్, బీ12, ఐరన్ను తగినంత మొత్తంలో తీసుకోవడం లేదని చెప్పింది. ఇక, మహిళలతో పోలిస్తే ఎక్కువ మంది పురుషులు మెగ్నీషియం, విటమిన్ బీ6, జింక్, విటమిన్-సీని తగినంత తీసుకోవట్లేదని తెలిపింది.
