మంచి కోరి చెప్తున్నా - రేపు జగన్​ దగ్గరకు వెళ్లకండి: వైఎస్సార్సీపీ నేతలకు ఆనం వెంకట రమణారెడ్డి సూచనలు - Anam Venkata Ramana Reddy

Anam Venkata Ramana Reddy key comments: వైఎస్సార్సీపీ నేతలెవ్వరూ రేపు జగన్ దరిదాపుల్లోకి వెళ్లొద్దని తెలుగుదేశం అధికార ప్రతినిధి ఆనం వెంకట రమణారెడ్డి హితవు పలికారు. నేతల మంచికోరే, ఆయన వద్దకు వెళ్లొద్దు అని చెప్తున్నానని ఆయన అన్నారు. జగన్ ఆరోగ్య పరిస్థితిని దూరం నుంచే నేతలు ఎప్పటికప్పుడు సమీక్షించుకోవాలన్నారు. అంబులెన్స్​లు, ప్రత్యేక వైద్య బృందాలను అందుబాటులో పెట్టుకుంటే మంచిదని రమణారెడ్డి వ్యాఖ్యానించారు. 

 సజ్జల కనిపిస్తే జగన్ కొట్టకుండా ఉండడు కాబట్టీ ఎంతో జాగ్రత్తగా ఉండాలని సూచించారు.  ఓట్ల లెక్కింపు సమయంలో, కౌంటింగ్‌ కేంద్రంలో గొడవలు సృష్టించాలని సజ్జల రామకృష్ణారెడ్డి వైఎస్సార్సీపీ ఏజెంట్లకు పిలుపునివ్వడం దుర్మార్గమని ఆనం రాంనారాయణరెడ్డి మండిపడ్డారు. తెలుగుదేశం ఏజెంట్లు కౌంటింగ్‌ ప్రశాంతంగా జరిగేందుకు సహకరించాలని కోరారు. రాష్ట్రంలో కూటమి గెలుపు కోసం ప్రజలంతా ఎదురు చూస్తున్నారని అన్నారు. కౌంటింగ్‌ పూర్తయ్యే వరకు ఏజెంట్లు అందరూ అప్రమత్తంగా ఉండాలని సూచించారు. తెలుగుదేశం ప్రభుత్వం అధికారంలోకి రాబోతుందని ధీమా వ్యక్తం చేశారు. రేపు కౌంటింగ్ అనంతరం వైఎస్సార్సీపీ నేతలు కనబడరని ఎద్దేవా చేశారు.