సూర్యాపేట జిల్లా మేళ్లచెరువు వద్ద రూ.10లక్షల విలువైన మద్యం పట్టివేత - RS 10Lakhs Liquor Seize In Revuru

RS 10Lakhs Liquor Seize In Revuru : సూర్యాపేట జిల్లా మేళ్లచెరువు మండలం రేవూరులో అక్రమంగా తరలిస్తున్న సుమారు రూ.10 లక్షల విలువైన మద్యాన్ని పోలీసులు పట్టుకున్నారు. తెలంగాణ నుంచి ఆంధ్రప్రదేశ్​కు ఓ వాహనంలో అక్రమంగా మద్యం తరలిస్తున్నారనే సమాచారం పోలీసులకు అందింది. దీంతో రేవూరు రోడ్లో వాహన తనిఖీల్లో భాగంగా ఓ వాహనంలో మద్యాన్ని తరలిస్తున్నట్లుగా గుర్తించారు. ఏపీ 37 టీకే 3371అనే నంబర్​ కలిగిన మినీ వ్యాన్​ ద్వారా 119 కాటన్ల మద్యాన్ని తరలిస్తుండగా పట్టుకుని పోలీస్​స్టేషన్​కు తరలించారు. ఈ అక్రమ మద్యం కోదాడకు సంబంధించిన ఓ వైన్​ షాప్​ నుంచి తరలిస్తున్నట్లుగా సమాచారం.  

Heavy Liquor Seizure at Mahabubnagar : ఇలాంటి ఘటనే ఈ రోజు మహబూబ్​నగర్​ జిల్లా బాలానగర్​లో కూడా జరిగింది. అక్రమంగా తరలిస్తున్న సుమారు రూ.2 కోట్లు విలువైన మద్యాన్ని పోలీసులు పట్టుకున్నారు. బాలానగర్​ చౌరస్తాలో పోలీసులు తనిఖీల్లో భాగంగా గుర్తించారు. అయితే పోలింగ్​కు రెండు రోజుల ముందు పెద్ద ఎత్తున మద్యం పట్టివేయడం పెద్ద చర్చకు దారితీసింది. ఈ మద్యాన్ని ఎవరు ఎక్కడి నుంచి తరలించారు అనే విషయాలు తెలియరావాల్సి ఉంది. దీనిపై కేసు నమోదు చేసి దర్యాప్తు చేస్తన్నామని పోలీసులు తెలిపారు.