నిమ్మకూరులో బీజేపీ 'పల్లెకు పోదాం', పాల్గొన్న పురందేశ్వరి

Purandeshwari in Gram Gram ke Chalo in Vijayawada :  బీజేపీ రాష్ట్ర అధ్యక్షురాలు పురందేశ్వరి కృష్ణా జిల్లా పామర్రు నియోజకవర్గంలో పర్యటించారు. పల్లెకు పోదాం కార్యక్రమంలో భాగంగా నిమ్మకూరు చేరుకున్న పురందేశ్వరికి పార్టీ నేతలు, కార్యకర్తలు ఘన స్వాగతం పలికారు. ఎన్టీఆర్​ దంపతుల విగ్రహాలకు పురందేశ్వరి పూలమాలలు వేసి నివాళులర్పించారు. గ్రామ్‌ గ్రామ్‌కే ఛలో కార్యక్రమం ద్వారా కోసూరు, కాజా గ్రామాల్లో ఆమె పర్యటించనున్నారు. కాజాలో పార్టీ శ్రేణులతో పురందేశ్వరి సమావేశం నిర్వహించనున్నారు. 

BJP Gram Gram ke Chalo in Andhra Pradesh : ఇరవై ఒక్క వేల గ్రామాల్లో ఈ కార్యక్రమం నిర్వహిస్తామని శుక్రవారం మీడియా సమావేశంలో పురందేశ్వరి తెలిపారు. బీజేపీని సంస్థాగతంగా బలో పేతం చెయ్యడమే ఈ కార్యక్రమ ముఖ్య ఉద్ధేశమని బీజేపీ రాష్ట్ర అధ్యక్షురాలు వెల్లడించారు. ఈ కార్యక్రమంలో భాగంగా శుక్ర, శని వారాల్లో పార్టీ శ్రేణులు ప్రజల వద్దకు వెళ్లి వారి సమస్యలు తెలుసుకుంటామని పేర్కొన్నారు.