LIVE : కరీంనగర్​లో మంత్రి పొన్నం ప్రభాకర్ ప్రెస్ మీట్ - Ponnam Prabhakar Press Meet

Minister Ponnam Prabhakar Press Meet Live : కరీంనగర్​లో మంత్రి పొన్నం ప్రభాకర్ మీడియా సమావేశం నిర్వహించారు. కాంగ్రెస్​ అధిష్ఠానం కరీంనగర్​ ఎంపీ అభ్యర్థిని ఇంకా ఖరారు చేయలేదని దీనిపై ఇటీవల కరీంనగర్​ బీజేపీ అభ్యర్థి బండి సంజయ్ తీవ్రస్థాయిలో విమర్శలు చేశారు. కాంగ్రెస్​కు కరీంనగర్​లో పోటీ చేసేందుకు అభ్యర్థి లేరని ఎద్దేవా చేశారు. తాజాగా దీనిపై స్పందించిన మంత్రి పొన్నం ప్రభాకర్​ అధికారంలోకి వచ్చిన తాము చేసిన అభివృద్ధికి ఎవరిని బరిలో దింపినా గెలుస్తామని తనదైన శైలిలో సమాధానం ఇచ్చారు.  ఈ సారి లోక్​సభ ఎన్నికల్లో కాంగ్రెస్​ తప్పకుండా విజయం సాధిస్తుందని ఆశా భావం వ్యక్తం చేశారు. బీజేపీ అభ్యర్థి బండి సంజయ్​ ఎంపీగా ఉండి కరీంనగర్​కు చేసిన అభివృద్ధి ఏంటని ప్రశ్నించారు. కేంద్రంలో గత పది సంవత్సరాలుగా అధికారంలో ఉన్న బీజేపీ రాష్ట్రానికి, తెలంగాణకు చేసిన అభివృద్ధి, సంక్షేమం ఏంటో చెప్పాలని నిలదీశారు. ప్రజలకు బీఆర్​ఎస్​, బీబేపీపై నమ్మకం లేకనే అసెంబ్లీ ఎన్నికలో కాంగ్రెస్​ను గెలిపించారని చెప్పారు.