సమ్మక్క తల్లి ఆగమనానికి అన్ని ఏర్పాట్లు పూర్తి : మంత్రి సీతక్క

Medaram Sammakka Saralamma Jatara 2024 : సమ్మక్క - సారలమ్మల నామస్మరణతో గిరిజన జనజాతర మేడారం పులకించిపోతోంది. కోట్లాది భక్తులు తమ ఇలవేల్పులకు పసుపు, కుంకుమ, ఎత్తు బంగారాలు సమర్పిస్తున్నారు. అశేష జనవాహినికి అభయమిచ్చేందుకు సమ్మక్క తల్లి రానున్న వేళ గద్దె వద్ద అలంకరణ పూర్తైంది. చిలకల గుట్ట నుంచి దాదాపు 2 కిలోమీటర్ల పొడవునా డోలు వాద్యాలు, గిరిజన సంప్రదాయ నృత్యాలతో ఊరేగింపుగా తీసుకురానున్నారు.

Sitakka In Medaram : మేడారం జాతరను ప్రపంచంలోనే అతిపెద్ద ఆదివాసీ కుంభమేళాగా మంత్రి సీతక్క వర్ణించారు. దేశంలో జరిగే కుంభమేళా కిలోమీటర్ల పొడవైన నదిలో 12 రోజులు సాగుతుందని మేడారంలో కేవలం 4 రోజుల్లోనే కోట్లాది మంది భక్తులు తరలి వస్తారని వెల్లడించారు. సమ్మక్క తల్లి ఆగమనానికి వీలుగా అన్ని ఏర్పాట్లు జరుగుతున్నాయని సీతక్క తెలిపారు. రేపు ఉదయం గవర్నర్‌ తమిళిసై, ముఖ్యమంత్రి రేవంత్‌ రెడ్డి తదితరులు వనదేవతలు దర్శనానికి వస్తున్నట్లు మంత్రి సీతక్క వివరించారు.