ఖాతాదారురాలి సొమ్ము కొట్టేసిన పోస్ట్​మాస్టర్ ​- బాధితురాలి ఆవేదన - Postmaster Fraud in Satya Sai Dist

Postmaster Fraud in Satya Sai District : కంచే చేను మేసిన రీతిలో పోస్ట్​మాస్టర్​ ఖాతాదారుల సొమ్ము దోచుకున్న ఉదంతం శ్రీ సత్యసాయి జిల్లా ఓబుల దేవర చెరువు మండలం కొండకమర్లలో జరిగింది. బాధితురాలు తెలిపిన వివరాల ప్రకారం తపాలా కార్యాలయంలో ఖాతాదారుల సొమ్మును రుణం పేరిట పోస్ట్​మాస్టర్ స్వాహా చేసినట్లు ఓ మహిళ ఆవేదన వ్యక్తం చేసింది. వీరప్పగారిపల్లికి చెందిన చెన్నమ్మ అనే మహిళ ప్రతీ నెలా రూ. 500 తపాలా కార్యాలయంలో పొదుపు చేస్తుంది. ఈ క్రమంలో పోస్ట్​మాస్టర్  ఆమె వేలిముద్ర వేయించుకుని కూడగట్టుకున్న సొమ్మును రుణం పేరిట స్వాహా చేశాడు. 

రుణానికి సంబంధించి ఉన్నతాధికారుల నుంచి ఆమెకు ఫోన్ రావడంతో విషయం తెలిసి ఆమె కంగుతింది. చెన్నమ్మ హుటాహుటిన తపాలా కార్యాలయానికి వచ్చి ప్రశ్నించగా పోస్ట్​మాస్టర్​ డొంక తిరుగుడు సమాధానం చెప్పినట్లు ఆమె ఆవేదన వ్యక్తం వ్యక్తం చేస్తోంది. కాయాకష్టం చేసి నెలనెలా పొదుపు చేస్తే నాకు అన్యాయం చేశారని వాపోయింది. ఉన్నతాధికారులు స్పందించి న్యాయం చేయాలని కోరుతుంది.