LIVE : సంగారెడ్డిలో హరీశ్ రావు మీడియా సమావేశం

Harish Rao Press Meet Live : సంగారెడ్డి జిల్లాలో మాజీ మంత్రి, సిద్దిపేట ఎమ్మెల్యే హరీశ్ రావు పర్యటించారు. మరికొద్ది రోజుల్లో  పార్లమెంట్ ఎన్నికలు రానున్న నేపథ్యంలో కార్యకర్తలకు దిశానిర్దేశం చేశారు. ఈసారి లోక్​సభ ఎన్నికల్లో గులాబీ పార్టీ సత్తా చాటేందుకు అంతా కృషి చేయాలని సూచించారు. సార్వత్రిక ఎన్నికల్లో అమలు పరచాల్సిన ప్రణాళిక, వ్యూహం గురించి మార్గనిర్దేశం చేశారు. అనంతరం హరీశ్ రావు మీడియా సమావేశం నిర్వహించారు. ఈ సమావేశంలో కాంగ్రెస్ పార్టీపై హరీశ్ రావు తీవ్ర విమర్శలు చేశారు. కేంద్రంలో కాంగ్రెస్ పార్టీ వస్తేనే, రాష్ట్రంలో ఆరు గ్యారంటీల అమలవుతాయని ముఖ్యమంత్రి రేవంత్‌రెడ్డి అంటున్నారని మండిపడ్డారు. కేంద్రంలో ఆ పార్టీ అధికారంలోకి వచ్చేది లేదని, ఇక్కడ హామీలు అమలయ్యేది లేదని విమర్శించారు. రాష్ట్ర హక్కులు సాధించాలంటే పార్లమెంటులో బీఆర్ఎస్​ను గెలిపించాలనే విషయం ప్రజల్లోకి బలంగా తీసుకెళ్లాలని సూచించారు.  రాష్ట్రంలో ఉచిత బస్సు ప్రయాణం వల్ల ఆటోడ్రైవర్లు ఉపాధి కోల్పోయి, ఆరున్నర లక్షల మంది రోడ్డున పడ్డారని వాపోయారు. కాంగ్రెస్ పార్టీకి బుద్ధి చెప్పాలంటే లోక్​సభ ఎన్నికల్లో బీఆర్ఎస్​కు ఓటు వేయాలని హరీశ్ రావు కోరారు.