టీడీపీ అభ్యర్థి నామినేషన్​కు పోలీసులు అడ్డంకులు - దారి మళ్లింపునకు యత్నం - Venigandla Ramu Nomination

Police Restriction to Gudivada TDP Candidate Venigandla Ramu Nomination : కృష్ణా జిల్లా గుడివాడలో తెలుగుదేశం అభ్యర్థి వెనిగండ్ల రాము నామినేషన్​కు పోలీసులు ఆంక్షలు విధించారు. మంగళవారం నామినేషన్​ వేసేందుకు ర్యాలీగా బయలుదేరి వెళ్లగా పోలీసులు అడ్డంకులు సృష్టించారు. ఏలూరు రోడ్డు బొమ్మరిల్లు థియేటర్​ వద్ద పోలీసులు బారికేడ్లు పెట్టారు. దీంతో తెలుగుదేశం నేతలు పోలీసులతో వాగ్వాదానికి దిగారు. ముందస్తుగానే ర్యాలీ రూట్​ మ్యాప్​ను ఆర్డీవోకు అందించామన్న టీడీపీ నేతల వాదనలతో పోలీసులు వెనక్కి తగ్గారు. ఈ నేపథ్యంలోనే లీలామహల్​ సెంటర్ మీదుగా వెళ్లాలని పోలీసులు సూచించారు.

వైసీపీ నాయకుల సూచనలతోనే టీడీపీ ర్యాలీని దారి మళ్లిస్తున్నారని పార్టీ నేతలు ఆగ్రహం వ్యక్తం చేశారు. గుడివాడ పట్టణంలో యథావిధిగా ర్యాలీ కొనసాగింది. అనంతరం గుడివాడ ఆర్డీవో కార్యాలయంలో నామినేషన్​ దాఖలు చేశారు. అధికార పార్టీ నాయకులు లేని ఆంక్షలు టీడీపీ నేతలకు ఎందుకు అని పార్టీ శ్రేణులు ఆగ్రహం వ్యక్తం చేస్తున్నారు.