LIVE: బనగానపల్లి 'ప్రజాగళం' సభలో చంద్రబాబు - ప్రత్యక్ష ప్రసారం - Chandrababu Praja Galam Live

Chandrababu Praja Galam Live: గతంలో ఇచ్చిన హామీల్లో 90 శాతం నెరవేర్చినట్లు చెబుతున్న సీఎం జగన్ తన 7 ప్రశ్నలకు సమాధానం చెప్పాలని టీడీపీ అధినేత చంద్రబాబు సవాల్‌ విసిరారు. గురువారం కదిరిలో నిర్వహించిన ప్రజాగళం సభలో పాల్గొన్న ఆయన ఈ మేరకు వ్యాఖ్యానించారు. ప్రత్యేకహోదా,  మద్య నిషేధం, సీపీఎస్‌ రద్దు, ఏటా జాబ్‌ క్యాలెండర్‌,  కరెంటు ఛార్జీల తగ్గింపు, మెగా డీఎస్సీ, పోలవరం పూర్తి తదితర హామీలను ఎందుకు నెరవేర్చలేదని ప్రశ్నించారు. గోదావరి జలాలను రాయలసీమకు తరలించే బాధ్యత తమదని చెప్పారు. సీమను తాము హార్టికల్చర్‌ హబ్‌గా చేస్తే, జగన్  రాజకీయ హత్యలతో సైకో రాజ్యంగా మార్చారని మండిపడ్డారు. కేవలం రాష్ట్ర భవిష్యత్‌ కోసమే మూడు పార్టీలు కలిశాయని తెలిపారు. విధ్వంసమైన రాష్ట్రాన్ని గాడిలో పెట్టేందుకు కూటమికి  మద్దతివ్వాలని కోరారు. వైసీపీ అక్రమ కేసులు, బెదిరింపులకు ఎవరూ భయపడొద్దని పిలుపునిచ్చారు. గత ఎన్నికల్లో రాయలసీమలోని 52 సీట్లలో 49 చోట్ల వైసీపీని గెలిపిస్తే ఏం ఒరగబెట్టారని చంద్రబాబు ప్రశ్నించారు. కాగా నేడు నంద్యాల జిల్లాలో చంద్రబాబు పర్యటించనున్నారు. ఉదయం 11 గంటలకు బనగానపల్లి 'బహిరంగ సభ'లో పాల్గొన్న చంద్రబాబు ప్రత్యక్షప్రసారం మీకోసం.