కోనసీమలో తాచుపాము కలకలం - భయభ్రాంతులకు గురైన స్థానికులు - snake halchal

Big Snake in Konaseema District : అంబేడ్కర్​ కోనసీమ జిల్లాలో అయిదు అడుగుల తాచుపాము హల్​చల్​ చేసింది. కాట్రేనికోన మండలం చెయ్యారు వడ్డివారి పేటలో నివాస గృహలు మధ్య అయిదు అడుగుల త్రాచుపాము బుసలు కొడుతూ స్థానికులను భయభ్రాంతులకు గురిచేసింది. కొంతమంది ఒకవైపు భయపడుతూనే మరొవైపు పాము కదలికలను సెల్​ఫోన్​ల్లో బంధించారు. గ్రామస్థులు స్నేక్​ క్యాచర్​ గణేశ్​ వర్మకు సమాచారం అందించారు. బుసలు కొడుతున్నా పామును ఓ డబ్బాలో బంధించారు. అనంతరం జన సంచారం లేని ప్రదేశంలో విడిచిపెట్టారు.
ఒకప్పుడు పామును చూడగానే పర్లాంగ్ దూరం పరిగెత్తే వారు, లేదంటే అందుబాటులో ఏదైనా కర్ర దొరికితే పాముని చావబాదేవారు. అది విషసర్పమైనా, సాదాసీదా పామైనా ఆ మాత్రం భయం ఉండేది. ఇప్పుడు ఇంటి పరిసరాల్లోనూ, పొలాల గట్ల మీద పాము కనిపిస్తే దాని కదలికలను సెల్​ఫోన్​ల్లో వీడియోలు తీస్తున్నారు. అందుబాటులో ఉండే స్నేక్ క్యాచర్ కు సమాచారం ఇస్తున్నారు. దానిని చాకచక్యంగా బంధించి జనావాసాలకు దూరంగా వదిలిపెడుతున్నారు.