Youtube New Feature For Teenage Safety: ప్రముఖ వీడియో స్ట్రీమింగ్ ప్లాట్ఫామ్ యూట్యూబ్ సరికొత్త ఫీచన్ను అందుబాటులోకి తెచ్చింది. టీనేజ్ భద్రతను దృష్టిలో పెట్టుకుని పిల్లల యూట్యూబ్ నియంత్రణ వారి పేరెంట్స్కు అందించాలని నిర్ణయించుకుంది. ఈ నేపథ్యంలో 'యూట్యూబ్ ఫ్యామిలీ సెంటర్‌' పేరుతో ఈ సరికొత్త ఫీచర్ను తీసుకొచ్చింది. ఈ ఫీచర్ ద్వారా పిల్లల యూట్యూబ్ నియంత్రణ ఇకపై వారి తల్లిదండ్రుల చేతిలో ఉండనుంది. ఈ నేపథ్యంలో యూట్యూబ్ తీసుకొచ్చిన ఈ సరికొత్త ఫీచర్ పూర్తి వివరాలు మీకోసం.
యూట్యూబ్ సరికొత్త ఫీచర్తో ప్రయోజనాలు?:
- ఈ యూట్యూబ్ ఫ్యామిలీ సెంటర్‌ ఫీచర్ సాయంతో పిల్లల యూట్యూబ్ ఖాతాను తల్లిదండ్రుల అకౌంట్‌కు లింక్‌ చేయొచ్చు.
- అంటే అకౌంట్‌ వినియోగించేది పిల్లలైనప్పటికీ దాని పూర్తి సమాచారం పేరెంట్స్ దగ్గర ఉంటుందన్నమాట.
- ఈ సరికొత్త ఫీచర్తో వీడియో స్ట్రీమింగ్ వేదికలో అప్లోడ్ చేసే వీడియోలు, సబ్‌స్క్రైబ్‌ చేసే ఛానల్స్, పోస్టులు, కామెంట్స్ ఇలా పిల్లలు చేసే ప్రతీ విషయం తల్లిదండ్రులకు వెంటనే తెలిసిపోతుంది.
- ఏదైనా వీడియో అప్లోడ్ చేసినా, లైవ్‌ స్ట్రీమ్‌ మొదలుపెట్టినా వెంటనే పేరెంట్స్కు E- Mail ద్వారా నోటిఫికేషన్‌ అందుతుంది.
- అంటే తల్లిదండ్రుల పర్యవేక్షణలోనే పిల్లల అకౌంట్‌ ఉంటుంది.
- యూట్యూబ్ చిన్నపిల్లల కోసం ఇప్పటికే అనేక నిబంధనల్ని తీసుకొచ్చింది.
- తాజాగా టీనేజర్ల కోసం ఈ తరహా సదుపాయం ప్రారంభించింది.
- యువత భద్రతను దృష్టిలో పెట్టుకుని యూట్యూబ్ ఇప్పటికే అనేక నిబంధనల్ని తీసుకొచ్చింది.
- ఇందులో భాగంగా పదేపదే వీక్షించడం హానికరం అని భావించే వీడియోలను రికమెండ్‌ చేయడాన్ని యూట్యూబ్ నిలిపివేసింది.
- అయితే అదే సమయంలో పిల్లల సృజనాత్మకత, స్వతంత్రతను అణిచివేయకుండా ఉంటూనే వారికి రక్షణ కల్పించేందుకు ఈ సదుపాయాల్ని ప్రవేశపెట్టినట్లు చెప్పుకొచ్చింది.
ఈ ఫీచర్ను యాక్టివేట్ చేసుకోవటం ఎలా?:
- పేరెంట్స్ తమ యూట్యూబ్ యాప్‌లో సెట్టింగ్స్‌లోకి వెళ్లి Family Centre pageను సెలెక్ట్ చేసుకుని ఈ ఫీచర్ యాక్టివేట్ చేసుకోవచ్చు.
- ఆండ్రాయిడ్‌, ఐఫోన్‌ యూజర్లు ఈ సేవలు వినియోగించుకోవచ్చు.
- ఫ్యామిలీ సెంటర్‌ హబ్‌లో భాగంగా తీసుకొచ్చిన ఈ ఫీచర్ను త్వరలోనే విస్తృతం చేయనున్నట్లు యూట్యూబ్ ప్రకటించింది.
జియో కస్టమర్లకు అదిరే గుడ్న్యూస్- ఆ రీఛార్జ్ ప్లాన్లపై భారీ ఆఫర్స్! - JIO Anniversary Offers
