Samsung Galaxy A16 5G: స్మార్ట్ఫోన్ ప్రియులకు గుడ్న్యూస్. మార్కెట్లోకి శాంసంగ్ నుంచి అదిరే ఫీచర్లతో కొత్త ఫోన్ వచ్చింది. A సిరీస్‌లో ఫోన్లకు మంచి ప్రజాదరణ వస్తున్న నేపథ్యంలో శాంసంగ్ గెలాక్సీ ఏ16 5జీ పేరుతో కంపెనీ దీన్ని లాంచ్ చేసింది. శాంసంగ్.. ఈ కొత్త గెలాక్సీ ఏ16 5జీ స్మార్ట్ఫోన్ను ఆరేళ్ల పాటు సెక్యూరిటీ, సాఫ్ట్‌వేర్‌ అప్‌డేట్లతో తీసుకురావడం విశేషం. మైక్రో ఎస్‌డీ కార్డ్‌ సాయంతో దీనిలో 1TB వరకు స్టోరేజీ పెంచుకొనే సదుపాయం ఉందని కంపెనీ చెబుతోంది. అంతేకాక ఈ ఫోన్ను ఒక్కసారి ఛార్జ్ చేస్తే రెండున్నర రోజుల వరకు బ్యాటరీ లైఫ్‌ వస్తుందని శాంసంగ్ తెలిపింది. ఈ సందర్భంగా ఈ కొత్త శాంసంగ్ గెలాక్సీ ఏ16 5జీ స్మార్ట్ఫోన్ ధర, ఫీచర్స్ వంటి వివరాలు మీకోసం.
శాంసంగ్ గెలాక్సీ ఏ16 5జీ ఫీచర్స్:
- డిస్‌ప్లే: 6.7 అంగుళాల ఫుల్ హెచ్‌డీ+ అమోలెడ్‌
- రిఫ్రెష్‌ రేటు: 90Hz
- ప్రాసెసర్‌: మీడియాటెక్‌ డైమెన్సిటీ 6300
- మెయిన్ కెమెరా: 50ఎంపీ
- అల్ట్రా వైడ్‌ యాంగిల్‌ సెన్సర్‌: 5ఎంపీ
- మ్యాక్రో లెన్స్‌: 2ఎంపీ
- ఫ్రంట్ కెమెరా: 13ఎంపీ
- బ్యాటరీ: 5,000mAh
- 25W ఛార్జింగ్‌ సపోర్ట్‌
శాంసంగ్ గెలాక్సీ ఏ16 5జీ వేరియంట్స్:
- 8జీబీ + 128జీబీ వేరియంట్‌
- 8జీబీ +256జీబీ వేరియంట్‌
శాంసంగ్ గెలాక్సీ ఏ16 5జీ కలర్ ఆప్షన్స్:
- బ్లూ బ్లాక్‌
- గోల్డ్‌
- లైట్‌ గ్రీన్‌
శాంసంగ్ గెలాక్సీ ఏ16 5జీ ధర:
- 8జీబీ + 128జీబీ వేరియంట్‌ ధర: రూ. 18,999
- 8జీబీ +256జీబీ వేరియంట్‌ ధర: రూ. 20,999
ఆ కార్డ్స్తో రూ.1,000 వరకు డిస్కౌంట్: ఈ కొత్త శాంసంగ్ గెలాక్సీ ఏ16 5జీ మొబైల్ను అమెజాన్‌, ఫ్లిప్‌కార్డ్‌, శాంసంగ్ వెబ్‌సైట్లతో పాటు ఇతర రిటైల్‌ స్ట్రోర్స్ ద్వారా కొనుగోలు చేయొచ్చని కంపెనీ తెలిపింది. యాక్సిస్‌ బ్యాంక్‌, ఎస్‌బీఐ క్రెడిట్‌ కార్డ్‌ సాయంతో కొనుగోలు చేస్తే వెయ్యి రూపాయల వరకు డిస్కౌంట్ అందిస్తోంది. IP54 రేటింగ్‌తో లాంచ్ చేసిన ఈ కొత్త గెలాక్సీ ఏ16 మొబైల్‌లో శాంసంగ్ నాక్స్‌ వాల్ట్‌ సెక్యూరిటీ ఫీచర్లు కూడా అందిస్తున్నట్లు శాంసంగ్ తెలిపింది.
