Redmi Note 14 5G Series: స్మార్ట్ఫోన్ ప్రియులకు గుడ్న్యూస్. ఇండియన్ మార్కెట్లోకి త్వరలో సరికొత్త మొబైల్స్ రాబోతున్నాయి. ప్రముఖ మొబైల్ తయారీ కంపెనీ షావోమీకి చెందిన సబ్బ్రాండ్ రెడ్మీ నోట్ 14 5G సిరీస్ను లాంచ్ చేయనున్నట్లు కంపెనీ అధికారికంగా ప్రకటించింది. ఈ మేరకు షావోమీ ఇండియా 'For the Worthy' ఇన్స్టాగ్రామ్ పేజీలో బుధవారం అర్ధరాత్రి టీజర్ను రిలీజ్ చేసింది.
మూడు స్మార్ట్ఫోన్లు లాంచ్ అవుతాయా?: సెప్టెంబర్ నెలలో 'రెడ్మీ నోట్ 14', 'నోట్ 14 ప్రో', 'నోట్ 14 ప్రో ప్లస్' మొబైల్స్ చైనా మార్కెట్లో లాంచ్ అయ్యాయి. దీంతో ఈ సిరీస్లో ఇండియాలో కూడా మూడు స్మార్ట్ఫోన్లు విడుదల చేసే అవకాశం ఉంది. చైనీస్ వెర్షన్‌తో పోలిస్తే 'నోట్ 14' సిరీస్ ఫీచర్లలో కొద్దిగా మార్పులు చేసి కంపెనీ ఇండియాలో లాంచ్ చేయొచ్చు. అయితే ఫోన్ డిజైన్ను మాత్రం అలాగే ఉంచే అవకాశం ఉంది.
రెడ్మీ నోట్ 14 5G సిరీస్ స్పెసిఫికేషన్లు: సమాచారం ప్రకారం.. 'రెడ్మీ నోట్ 14' సిరీస్లోని అన్ని మోడల్స్ 120Hz రిఫ్రెష్ రేట్‌తో 6.67-అంగుళాల OLED స్క్రీన్తో రానున్నాయి. స్నాప్‌డ్రాగన్ 7s Gen 3, డైమెన్షన్ 7300 అల్ట్రా ప్రాసెసర్‌లను వరుసగా 'నోట్ 14 ప్రో, 'నోట్ 14 ప్రో ప్లస్' వేరియంట్స్లో అందించొచ్చు. అయితే బేస్ మోడల్‌లో మాత్రం MediaTek డైమెన్షన్ 7025 అల్ట్రా ప్రాసెసర్‌ ఉంటుంది.
The much-awaited #RedmiNote14 Series is finally here! Bringing advanced AI features and game-changing camera innovations. Get ready to capture, create, and explore like never before.
— Xiaomi India (@XiaomiIndia) November 21, 2024
This is just the start of something big. Stay tuned, because the era of Note is here to redefine… pic.twitter.com/iDOol4xV8v
రెడ్మీ 'నోట్ 14 ప్రో', 'నోట్ 14 ప్రో ప్లస్' మొబైల్స్ రెండూ ట్రిపుల్ రియర్ కెమెరా సెటప్ను కలిగి ఉండొచ్చు. ఇందులో 50-మెగాపిక్సెల్ ప్రైమరీ కెమెరా, 8-మెగాపిక్సెల్ అల్ట్రావైడ్ కెమెరా ఉన్నాయి. 'నోట్ 14 ప్రో ప్లస్' వేరియంట్లో 50-మెగాపిక్సెల్ పోర్ట్రెయిట్ టెలిఫోటో కెమెరా కూడా ఉంటుంది. అయితే 'ప్రో' మోడల్‌లో 2-మెగాపిక్సెల్ మాక్రో కెమెరా ఉండే అవకాశం ఉంది.
వీటి రిలీజ్ ఎప్పుడంటే?: కంపెనీ ఈ సిరీస్ మొబైల్స్ను డిసెంబర్ 9న లాంచ్ చేయనున్నట్లు తెలిపింది.
