స్టన్నింగ్ టైగర్ లుక్స్​తో కొత్త రేంజ్ రోవర్ లాంచ్- ధర ఎంతో తెలుసా? - Range Rover SV New Edition

Range Rover SV New Edition: లగ్జరీ కార్ల తయారీ సంస్థ ల్యాండ్ రోవర్ ఇండియా తన కొత్త రేంజ్ రోవర్​ SVని మార్కెట్లో లాంచ్ చేసింది. ఈ కారును కంపెనీ స్పెషల్ వెహికల్ (SV) విభాగం స్పెషల్ థీమ్​తో రూపొందించింది. పులికి చిహ్నంగా డిజైన్ చేసిన ఈ కారు ధర, ఫీచర్లపై ఓ లుక్కేద్దాం రండి.

Range Rover SV New Edition: ల్యాండ్ రోవర్ ఇండియా తన మొట్ట మొదటి ఇండియా ఎక్స్​క్లూజివ్ రేంజ్ రోవర్ మోడల్ ఎస్వీ రణథంబోర్ ఎడిషన్​ను లాంచ్ చేసింది. అయితే కంపేనీ ఈ ప్రత్యేక ఎడిషన్​ సేల్స్​ను 12 యూనిట్లకు మాత్రమే పరిమితం చేసింది. ఈ కారును విక్రయించడం ద్వారా వచ్చిన నగదులో కొంత భాగాన్ని వైల్డ్​లైఫ్ కన్జర్వేషన్ ట్రస్ట్‌కు విరాళంగా అందజేయనున్నట్లు కంపెనీ ప్రకటించింది.

ఈ కారును కంపెనీ స్పెషల్ వెహికల్ (SV) విభాగం రూపొందించింది. రేంజ్ రోవర్ ఎస్వీ రణథంబోర్ ఎడిషన్‌ అనేది రాజస్థాన్‌లోని రణథంబోర్ నేషనల్ పార్క్ నుంచి ప్రేరణ పొందింది. దేశంలోని వన్యప్రాణులతో విశిష్టమైన సంబంధాన్ని ప్రతిబింబిస్తూ పులికి చిహ్నంగా దీన్ని డిజైన్ చేశారు. ప్రత్యేక పెయింట్ స్కీమ్​తో బ్లాక్ బాడీ కలర్‌లో రెడ్ షిమ్మర్‌తో దీన్ని రూపొందిచారు. ఈ రణథంబోర్ ఎడిషన్​లో పులి చారలతో కూడిన డిజైన్ కూడా కన్పిస్తుంది.

ప్రకృతి స్ఫూర్తితో అద్భుతమైన ఇంటీరియర్:

Range Rover SV New Edition (Land Rover India)

Range Rover SV New Edition (Land Rover India)

• ఈ సరికొత్త కారు లోపల నాలుగు-సీట్ల క్యాబిన్ ఉంది.
• దీన్ని కారావే అండ్ లైట్ పెర్లినో సెమీ-అనిలిన్ లెదర్​తో తయారు చేశారు.
• ఇది సీట్లపై కాంట్రాస్ట్ స్టిచింగ్, టైగర్ స్ట్రిప్ ఇన్‌స్పైర్డ్ ఎంబ్రాయిడరీని కలిగి ఉంది.
• ఇందులో కస్టమ్ స్కాటర్ కుషన్‌లు, క్రోమ్ హైలైట్‌లు, లైట్ వెంగే వుడ్ వెనీర్, వైట్ సిరామిక్ డయల్ వంటి లగ్జరీ ఇంటీరియర్​ను ప్రకృతి- ప్రేరేపిత థీమ్​తో అందిచారు.
• సీట్లపై ఎంబ్రాయిడరీ పులి వెన్నెముక వెంట ఉన్న చారల మాదిరిగా కనిపిస్తుంది.
• దీంతోపాటు ఈ కారులో రిక్లినబుల్ సీట్లు, పవర్డ్ క్లబ్ టేబుల్, డిప్లోయబుల్ కప్‌హోల్డర్స్, రిఫ్రిజిరేటెడ్ కంపార్ట్‌మెంట్ వంటివి ఉన్నాయి.

పనితీరు అండ్ పవర్‌ట్రెయిన్:

Range Rover SV New Edition (Land Rover India)

• రేంజ్ రోవర్ రణథంబోర్ ఎడిషన్ లాంగ్ వీల్‌బేస్ వెర్షన్‌పై ఆధారపడి ఉంది.
• ఇది ఇప్పటికే భారత్​లో అందుబాటులో ఉంది.
• ఈ కారు ప్రత్యేకమైన డిజైన్, ఫీచర్స్ కలిగి ఉన్నప్పటికీ ఇంజిన్లో ఎటువంటి మార్పు లేదని తెలుస్తోంది.
• కాబట్టి ఇందులో 3.0 లీటర్ పెట్రోల్ ఇంజిన్​తో వస్తుంది.
• ఇది 550 Nm టార్క్, 394 Bhp పవర్ అందిస్తుంది.
• ఈ ఇంజిన్‌తో కంపెనీ ఆటోమేటిక్ గేర్‌బాక్స్‌ను యాడ్ చేసింది.
• ధర రూ. 4.98 కోట్లు (ఎక్స్ షోరూమ్)
• ఈ ప్రత్యేక ఎడిషన్ థీమ్‌కు అనుగుణంగా రేంజ్ రోవర్ రణథంబోర్ ఎడిషన్ విక్రయాల ద్వారా వచ్చే ఆదాయంలో కొంత భాగాన్ని వైల్డ్‌లైఫ్ కన్జర్వేషన్ ట్రస్ట్ ఆఫ్ ఇండియాకు విరాళంగా ఇస్తున్నట్లు కంపెనీ ప్రకటించింది.