ఇన్​స్టాలో ఏఐ ప్రొఫైల్ పిక్చర్ జనరేషన్ ఫీచర్!- ఇది ఎలా పనిచేస్తుందంటే?

సరికొత్త ఏఐ ఫీచర్ తీసుకొచ్చే పనిలో ఇన్​స్టాగ్రామ్​- ఇకపై యూజర్లకు పండగే!

Instagram AI Profile Picture Generation Feature: సోషల్ మీడియా ప్లాట్‌ఫారమ్ ఇన్‌స్టాగ్రామ్ సరికొత్త ఫీచర్​ను తీసుకొచ్చేందుకు కసరత్తు చేస్తోంది. ఈ ఫీచర్ యూజర్లు ఏఐ సహాయంతో అద్భుతమైన ప్రొఫైల్ ఫొటోలను క్రియేట్ చేసేందుకు ఉపయోగపడుతుంది. ఈ ఫీచర్ ఎలా పనిచేస్తుందనే దానిపై ఇంకా క్లారిటీ లేదు. అయితే దీనికి సంబంధించిన ఫొటోలు ఇంటర్నెట్​లో వైరల్​గా మారాయి.

ఇన్​స్టా ఏఐ ప్రొఫైల్ పిక్చర్ జనరేషన్ ఫీచర్: డెవలపర్ అలెశాండ్రో పలుజ్జీ ఇన్​స్టాగ్రామ్​ పనిచేస్తున్న ఈ కొత్త ఫీచర్​ గ్లింప్స్​ థ్రెడ్స్​లో పోస్ట్ చేశారు. అందులో ఇన్‌స్టాగ్రామ్‌లో వారి ప్రొఫైల్ చిత్రాన్ని అప్‌డేట్ చేస్తున్నప్పుడు.. 'Creat An AI Profile Picture' అనే కొత్త మెనూ ఆప్షన్​ చూపిస్తున్నట్లు కన్పిస్తుంది. ఆ తర్వాత డెవలపర్​ దాని స్క్రీన్ షాట్​ తీసి థ్రెడ్స్​లో షేర్ చేశారు.

ఈ ఫీచర్ ఇంకా అభివృద్ధి దశలోనే ఉండటంతో ఇది ఎలా పనిచేస్తుందో కచ్చితంగా చెప్పడం కష్టం. అయితే ఇది మెటా లామా లార్జ్ లాంగ్వేజ్ మోడల్స్ (LLM)కి సపోర్ట్ చేస్తుంది. ఈ ఫీచర్ రెండు విధాలుగా పని చేస్తుంది. ఇది టెక్స్ట్ బేస్డ్ ప్రాంప్ట్‌లను ఉపయోగించి స్క్రాచ్ నుంచి AI ఇమేజ్ రూపొందించడానికి, ఇప్పటికే ఉన్న ప్రొఫైల్ పిక్చర్స్​ను AIని ఉపయోగించి డిఫరెంట్ స్టైల్స్​లో మార్చేందుకు ఉపయోగపడుంది.

అయితే ఇదేం ఇన్​స్టాగ్రామ్​ మొదటి ఏఐ ఫీచర్ కాదు. మెటా యాజమాన్యంలోని ఈ ప్లాట్​ఫారమ్​లో ఇప్పటికే చాట్​బాట్​ మెటా ఏఐ అందుబాటులో ఉంది. కంపెనీ DM మెసేజ్‌ల కోసం AI రీరైట్ ఫీచర్‌ను కూడా పరిచయం చేసింది. ఇది యూజర్​కు పంపించిన మెసెజెస్​ను రీరైట్ చేసేందుకు, మార్చేందుకు ఉపయోగపడుతుంది.

ఇదిలా ఉండగా ఫేస్‌బుక్, ఇన్‌స్టాగ్రామ్‌లో ఫేక్ యాడ్స్​ను గుర్తించేందుకు ఏఐ-పవర్డ్ ఫేషియల్ రికగ్నిషన్ టెక్నాలజీని పరీక్షిస్తోంది. ఈ ఫీచర్ ఏదైనా యాడ్​లో సెలబ్రిటీల ఫొటోస్ ఉపయోగించినా, మోసం జరిగినట్లు అనుమానం వచ్చినా వాటిని గుర్తించి వాటిని ఆటోమేటిక్​గా బ్లాక్ చేసేస్తుందని మెటా తెలిపింది. దీనిపై మరింత సమాచారం కోసం ఇక్కడ క్లిక్ చేయండి.