Gmail Smart Reply Feature: ప్రముఖ ఇ-మెయిల్‌ సర్వీస్‌ జీమెయిల్ సేవల్లో గూగుల్ సరికొత్త ఫీచర్ తీసుకొచ్చింది. సందర్భోచితంగా సమాధానం పంపేందుకు స్మార్ట్‌ రిప్లై సదుపాయాన్ని జోడించింది. దీని సాయంతో ఇకపై రిప్లై పంపడం సులభం కానుంది. ఈ సరికొత్త ఫీచర్ మరిన్ని వివరాలు మీకోసం.
ఏంటీ స్మార్ట్‌ రిప్లై ఫీచర్?:
- మెయిల్స్‌కు రిప్లై ఇవ్వాలంటే జీమెయిల్ సాధారణంగానే కొన్ని సూచనలను డిస్‌ప్లే చేస్తుంది.
- 2017లోనే ఈ ఫీచర్‌ని తీసుకొచ్చింది.
- అయితే దానికి ఇప్పుడు ఏఐ సదుపాయాన్ని జోడించింది.
- దీంతో ఇక మీ రిప్లై మరింత స్మార్ట్‌గా మారనుంది.
దీన్ని ఎలా ఉపయోగించాలి?:
- మీరు రిప్లై ఇవ్వాలనుకుంటున్న మెయిల్స్‌ను ఓపెన్‌ చేసి రిఫ్లై పై క్లిక్‌ చేయగానే కింద ఇందులోని ఏఐ సాంకేతికత మీకు అనేక సజెషన్లు డిస్‌ప్లే చేస్తుంది.
- మెయిల్‌లో ఉండే ఇన్ఫర్మేషన్ మొత్తాన్ని అర్థం చేసుకొని సందర్భోచితంగా ఈ ప్రత్యుత్తరాలు తయారుచేస్తుంది.
- అర్థవంతంగా, స్మార్ట్‌గా, సరైన ముగింపుతో సమాధానాలు రూపొందించి వాటిని మీకు చూపుతుంది.
- అందులో నచ్చిన వాటిని ఎంచుకొని ప్రివ్యూ చేయొచ్చు.
- ఒకవేళ ఏవైనా మార్పులు చేయాలనిపిస్తే ఎడిట్‌ చేసి సెండ్‌ చేసేయొచ్చు.
ఈ సరికొత్త ఫీచర్ అందుబాటులోకి ఎప్పుడు?:
- ఆండ్రాయిడ్‌, ఐఫోన్‌లకు ఈ ఫీచర్ సపోర్ట్‌ చేస్తుంది.
- ప్రస్తుతం గూగుల్ వన్‌ ఏఐ ప్రీమియంతో పాటు కొంతమంది వినియోగదారులకు మాత్రమే ఈ సరికొత్త ఫీచర్ అందుబాటులో ఉంది.
- త్వరలోనే జీమెయిల్ యూజర్లందరికీ ఇది రోలవుట్‌ అవుతుంది.
మెటా మరో కీలక నిర్ణయం- ఇన్‌స్టాలో బ్యూటీ ఫిల్టర్లకు గుడ్బై! - Instagram Beauty Filters
