Airtel Festival Offers: భారతీ ఎయిర్టెల్ తన యూజర్ల కోసం పండగవేళ ప్రత్యేక ఆఫర్ తీసుకొచ్చింది. ప్రస్తుతం అందిస్తున్న కొన్ని ప్లాన్లలో అదనపు డేటా, OTT సదుపాయాలను జోడించింది. అయితే సెప్టెంబర్‌ 11 లోపు రీఛార్జి చేసుకున్నవాళ్లు మాత్రమే ఈ బెనిఫిట్స్‌ పొందుతారని ఎయిర్టెల్ తెలిపింది. ఈ ఆఫర్లు ఇప్పటికే అందుబాటులోకి వచ్చాయి. ఈ సందర్భంగా ఎయిర్టెల్ అందిస్తున్న ప్లాన్లు అదనపు ప్రయోజనాల వివరాలు మీకోసం.
ఎయిర్టెల్ రూ.979 రీఛార్జి ప్లాన్:
- ఈ రీఛార్జి ప్లాన్లో 84 రోజుల వ్యాలిడిటీ, అపరిమిత వాయిస్‌ కాల్స్, రోజుకు 100 SMSలు, రోజూ 2GB డేటా వంటి ప్రయోజనాలు ఉన్నాయి.
- ఎయిర్టెల్ ఎక్స్‌ట్రీమ్‌ ప్లే ప్రీమియం (22+ OTT సదుపాయాలు) యాక్సెస్‌, 3 నెలల పాటు అపోలో 24/7 సర్కిల్‌, ఉచిత హలోట్యూన్‌లు, రివార్డ్ మినీ సబ్‌స్క్రిప్షన్‌ అందిస్తోంది.
- దీంతోపాటు ఈ ప్లాన్ రీఛార్జితో అదనంగా 10GB డేటా ఇస్తోంది. వాటి వ్యాలిడిటీ 28 రోజులు ఉండనుంది.
ఎయిర్టెల్ రూ.1029 రీఛార్జి ప్లాన్:
- రోజుకు 2GB డేటా, 100 SMSలు, అపరిమిత వాయిస్‌ కాల్స్ అందిస్తోంది. దీని వ్యాలిడిటీ 84 రోజులు.
- 3 నెలల పాటు డిస్నీ+ హాట్‌స్టార్‌ సదుపాయం, రివార్డ్ మినీ సబ్‌స్క్రిప్షన్‌, అపోలో 24/7 సర్కిల్‌, ఉచిత హలోట్యూన్‌లు ప్రయోజనాలు ఉన్నాయి.
- ఫెస్టివల్ ఆఫర్‌లో రీఛార్జి చేసుకుంటే 10GB డేటా ఉచిత కూపన్‌తో పాటు, ఎయిర్టెల్ ఎక్స్‌ట్రీమ్‌ ప్లే ప్రీమియం సబ్‌స్క్రిప్షన్‌ ఉచితంగా అందిస్తోంది. అయితే ఈ రీఛార్జ్ ప్లాన్లో వీటి వ్యాలిడిటీ 28 రోజులు ఉంటుంది.
ఎయిర్టెల్ రూ.3,599 రీఛార్జి ప్లాన్:
- 365 రోజుల వ్యాలిడిటీ, అపరిమిత వాయిస్‌ కాల్స్, రోజుకు 100 SMSలు, రోజుకి 2GB డేటా వంటి ప్రయోజనాలు ఉన్నాయి.
- 3 నెలల పాటు అపోలో 24/7 సర్కిల్‌, ఫ్రీ హలోట్యూన్స్ యాక్సెస్‌ ఎయిర్టెల్ అందిస్తోంది.
- దీంతోపాటు ఈ రీఛార్జ్తో అదనంగా 10GB డేటా, ఎయిర్టెల్ ఎక్స్‌ట్రీమ్‌ ప్లే ప్రీమియం యాక్సెస్‌ ఇస్తోంది. ఈ రీఛార్జ్ ప్లాన్లో వీటి వ్యాలిడిటీ 28 రోజులు ఉండనుంది.
జియో కస్టమర్లకు అదిరే గుడ్న్యూస్- ఆ రీఛార్జ్ ప్లాన్లపై భారీ ఆఫర్స్! - JIO Anniversary Offers
