Fake RTO Official Extortion Scandal in Uppal : అతనో ఓ ఆటోడ్రైవర్. అక్రమ సంపాదన కోసం నకిలీ ఆర్టీవో అవతారమెత్తాడు. రోడ్డుపై వాహనాలను ఆపుతూ సరైన పత్రాలు లేవని డబ్బులు వసూలు చేసేవాడు. ఈ దందాలో మరొకరిని భాగస్వామ్యం చేశాడు. అతడి చేత ఆర్టీవో అధికారి వేషం వేయించి మిగతా తతంగం ఇతను నడిపించాడు. కొద్దిరోజులు వీరి దందా బాగానే సాగింది. వీరి వలకు చిక్కిన వాహనదారులు మోసపోయామని గ్రహించి పోలీసులకు పట్టించడంతో ఈ గుట్టు బయటపడింది.
ఈ ఘటన తెలంగాణలోని ఉప్పల్లో చోటుచేసుకుంది. ఈ నకిలీ ఆర్టీవోల దందాను చూసిన పోలీసులకే ఆశ్చర్యానికి గురి చేస్తోంది. రోజు తెల్లవారుజామున 4గంటల నుంచే వీరి దందా మొదలవుతోంది. ఉదయం 7గంటల లోపు ముగించుకుంటారు. ఇందుకు సంబంధించి వివరాలు ఈ విధంగా ఉన్నాయి. నిందితుల్లో ప్రేమ్కుమార్రెడ్డి ఆటోడ్రైవర్ కాగా సంతోష్‌ అడ్డా కూలీ కావడం విశేషం. వీరిద్దరూ నకిలీ ఆర్టీవోలుగా అవతారమెత్తి వాహనదారులను లక్ష్యంగా చేసుకొని దందా చేస్తున్నారు.
నకిలీ ఆర్టీవోకు రోజుకు రూ.500 కూలీ : నకిలీ ఆర్టీవోల దందాకు సూత్రధారి ప్రేమ్‌కుమార్‌రెడ్డిగానే సమాచారం. కారులో ఆర్టీవో పాత్ర సంతోష్‌ పోషిస్తున్నాడు. రోజూ ఉదయం కారులో సంతోష్‌ను తీసుకొని ప్రేమ్కుమార్రెడ్డి ఘట్‌కేసర్, బోడుప్పల్‌, ఉప్పల్, నాగోల్, మేడిపల్లి ప్రాంతాలకు వెళ్తాడు. కారులో సంతోష్‌ను కూర్చొబెట్టి చేతిలో ల్యాప్‌టాప్, రశీదు పుస్తకాలు ఉంచి వచ్చిపోయే వాహనాలను ప్రేమ్కుమార్రెడ్డి ఆపుతూ ఉంటాడు.
కారులో కూర్చొన్న సంతోష్‌ను ఆర్టీవో సారుగా ప్రేమ్కుమార్రెడ్డి చూపుతాడు. వాహనాల తనిఖీ, వాటి పత్రాలను అడుగుతాడు. వాహనదారుల వద్ద ఏదైనా పేపరు లేకుంటే డబ్బు వసూలు చేసేవాడు. నకిలీ ఆర్టీవోగా నటించిన సంతోష్‌కు రూ.500 కూలీ ఇస్తూ మిగతా మొత్తం ప్రేమ్‌కుమార్‌రెడ్డినే ఉంచుకుంటున్నట్టుగా తెలిసింది. గురువారం నాడు నకిలీ ఆర్టీవో ప్రేమ్‌కుమార్‌రెడ్డిని బాధితులు పోలీసులకు పట్టించారు. తప్పించుకు తిరుగుతున్న ఉప్పల్‌లోని సెవెన్‌హిల్స్‌ కాలనీకి చెందిన సంతోష్‌ను శుక్రవారం పోలీసులు అదుపులోకి తీసుకున్నారు. దీనిపై కేసు నమోదు చేసి దర్యాప్తు చేస్తున్నట్లు చెప్పారు. ఈ దందా వెనుక ఇంకెవరైనా ఉన్నారనే కోణంలో విచారణ జరుపుతున్నట్లు పోలీసులు వివరించారు.
ఆర్టీఓ పేరుతో అక్రమ వసూళ్లు... వ్యక్తి అరెస్టు
Fake rc's given by senior assistant: ఆర్టీవో అవతారమెత్తిన సీనియర్‌ అసిస్టెంట్‌.. ఏం చేశాడంటే?
