Free Coaching For Mega DSC in AP : మీరు మెగా డీఎస్సీకి ప్రిపేర్ అవుతున్నారా ? టీచర్ కావాలనే మీ లక్ష్యమా ? అయితే ఇది మీ కోసమే. డీఎస్సీకి సిద్ధమవుతున్న అభ్యర్థులకు ఏపీ ప్రభుత్వం శుభవార్త తెలిపింది. ఈ మేరకు ఉపాధ్యాయ నియామక పరీక్ష 2024 ఉచిత శిక్షణకు సాంఘిక సంక్షేమ, గిరిజన సంక్షేమ శాఖలు దరఖాస్తులను ఆహ్వానిస్తున్నాయి. ఈ ఉచిత శిక్షణకు ఎంపికైన డీఎస్సీ అభ్యర్థులకు ఉచిత బోధన, ఉచిత భోజనంతోపాటు వసతి సౌకర్యాలను కల్పించనుంది. ఆంధ్రప్రదేశ్లోని ఆయా జిల్లాల్లో అనుభవజ్ఞులైన బోధనా సిబ్బందితో మూడు నెల‌ల పాటు తరగతులు నిర్వహించనున్నారు. ఎస్జీటీ, స్కూల్ అసిస్టెంట్ పరీక్షలకు సంబంధించి ఉచిత శిక్షణ ఉంటుంది. దీనికి అర్హులైన ఎస్సీ, ఎస్టీ అభ్యర్థులు అక్టోబ‌ర్ 21లోపు జ్ఞానభూమి వెబ్‌పోర్టల్ ద్వారా ఆన్లైన్లో దరఖాస్తు చేసుకోవాలి.
ఫ్రీ కోచింగ్ వివరాలు
- మెగా డీఎస్సీ 2024-25గాను ఎస్సీ, ఎస్టీ అభ్యర్థులకు ఉచిత శిక్షణ
- మొత్తం 5 వేల 50 మంది అభ్యర్థులను ఎంపిక చేస్తారు. అందులో ఎస్సీలకు 3,050, ఎస్టీలకు 2 వేల సీట్లు కేటాయించారు. ఉచిత శిక్షణకు ఎంపికైన వారికి ఉచితంగా బోధన, భోజనంతోపాటు వసతి సౌకర్యాలు కల్పిస్తారు.
అర్హత : ఎస్జీటీ ఉచిత శిక్షణకు ఇంటర్, డీఈడీ, టెట్ ఉండాలి. స్కూల్ అసిస్టెంట్ కోచింగ్కు డిగ్రీ, బీఈడీ, టెట్ ఉత్తీర్ణులై ఉండాలి. ఎంపికైన అభ్యర్థుల వార్షికాదాయం రూ.2.5 లక్షల లోపు ఉండాలి.
ఎంపిక ప్రక్రియ ఇలా : స్క్రీనింగ్ టెస్ట్, టెట్ స్కోర్, సర్టిఫికెట్స్ వెరిఫికేషన్ ఆధారంగా ఎంపిక చేస్తారు. రాత పరీక్షకు 85 శాతం, టెట్ స్కోరుకు 15 శాతం వెయిటేజీ ఉంటుంది.
ఉచిత కోచింగ్కు సంబంధించి ముఖ్యమైన తేదీలు
- ఆన్లైన దరఖాస్తు ప్రారంభం 11-10-2024.
- దరఖాస్తుకు చివరి తేదీ: 21-10-2024
- 22-10-2024 నుంచి 25-10-2024 వరకు హాల్టిక్కెట్ డౌన్లోడ్ చేసుకోవచ్చు.
- స్క్రీనింగ్ టెస్ట్ తేదీ : 27-10-2024.
- జిల్లాల వారీగా మెరిట్ జాబితా వెల్లడి: 28-10-2024.
- జిల్లాల వారీగా తుది ఎంపిక జాబితా వెల్లడి: 30-10-2024.
- శిక్షణ కేంద్రాల వారీగా అభ్యర్థుల కేటాయింపు: 03-11-2024.
- ఉచిత శిక్షణ తరగతులు ప్రారంభం : 11-11-2024
నేడే పాఠశాలల్లో చేరనున్న కొత్త టీచర్లు - అర్ధరాత్రి వరకు కొనసాగిన పోస్టింగ్‌లు
