Man Having Affair With Daughter in AP : తల్లితో సహజీవనం చేస్తూ ఆమె కుమార్తెతో ప్రేమాయణం నడిపాడు ఓ ప్రబుద్ధుడు. అంతే కాదు తల్లికి చెప్పకుండా స్కూల్ నుంచి ఆ మైనర్ బాలికను తనతో తీసుకెళ్లాడు. సాయంత్రమైనా ఇంటికి తిరిగి రాకపోవడంతో ఆ మహిళ ఆందోళన చెందింది. రాత్రి వరకు చుట్టుపక్కల వెతికి చివరకు పోలీసులను ఆశ్రయించింది. పోలీసులు బాలిక ఆచూకీ కోసం గాలింపు చేపట్టగా ఆ ఇద్దరూ హైదరాబాద్లో దొరికారు.
పోలీసులు తెలిపిన వివరాల ప్రకారం ఒంగోలు సమీపంలోని ఓ గ్రామానికి చెందిన మహిళ కొంత కాలంగా తన భర్తకు దూరంగా ఉంటోంది. ఆమెకు పదో తరగతి చదువుతున్న కుమార్తె ఉంది. కుమార్తెతో కలిసి ఆమె వేరుగా జీవిస్తోంది. అలా ప్రశాంతంగా జీవనం సాగిస్తున్న ఆ తల్లీకూతుళ్ల జీవితంలో టంగుటూరు మండలం పొందూరుకు చెందిన ఇండ్లా రాజు అనే వ్యక్తి ఎంటర్ అయ్యాడు.
మాయమాటలు చెప్పి ప్రేమాయణం : ఇండ్లా రాజు అనే వ్యక్తితో ఈ తల్లీకూతుళ్లకు పరిచయం ఏర్పడింది. అలా ఆ మహిళతో రాజు సహజీవనం చేయడం ప్రారంభించాడు. ఈ క్రమంలోనే అతడు ఆమె కుమార్తెపైనా కన్నేశాడు. రోజు ఆమెను స్కూలుకు తీసుకెళ్లి తీసుకు వస్తుండేవాడు. అలా తల్లితో సహజీవనం చేస్తూ తండ్రి స్థానంలో ఉన్న రాజు తన నైతికతను మరిచాడు. ఆ మైనర్ బాలికకు మాయమాటలు చెబుతూ ప్రేమలో దింపాడు.
బాలికతో ఇంటి నుంచి పరార్ : అతడిని నమ్మిన ఆ బాలిక ఏం చెప్పినా వినడం మొదలుపెట్టింది. ఇక ఆమెను పూర్తిగా లోబర్చుకున్న రాజు ఆమె తల్లి వద్ద నుంచి బాలికను తీసుకెళ్లాలని ప్లాన్ వేశాడు. అలా రెండ్రోజుల క్రితం రోజూలాగే బాలికను స్కూల్లో దింపొస్తానని ఆమె తల్లికి చెప్పి తీసుకెళ్లాడు. అయితే సాయంత్రమైనా తిరిగి రాలేదు. రాత్రి వరకు వేచి చూసి అయినా ఇంటికి రాకపోవడంతో చుట్టుపక్కల, బంధువులు, స్నేహితుల ఇళ్లలో ఆరా తీసింది ఆ తల్లి. అయినా ఆచూకీ తెలియకపోవడంతో పోలీసులను ఆశ్రయించింది.
పోక్సో కేసు నమోదు చేసిన పోలీసులు : బాలిక తల్లి ఫిర్యాదు నమోదు చేసుకున్న ఒంగోలు రెండో పట్టణ పోలీసులు విచారణ చేపట్టారు. ఈ క్రమంలో బాలికతో పాటు నిందితుడు హైదరాబాద్లో ఉన్నట్లు గుర్తించి నగరానికి వచ్చారు. వారిద్దరిని ఒంగోలు తీసుకెళ్లారు. ఆ తర్వాత బాలికకు కౌన్సెలింగ్ ఇచ్చి ఆమె తల్లితో ఇంటికి పంపించారు. ఇక రాజుపై పోక్సో చట్టం కింద కేసు నమోదు చేసినట్లు సీఐ ఎం.శ్రీనివాసరావు తెలిపారు.
కాపాడాల్సిన వాడే కాటేయబోయాడు - మైనర్ బాలికపై సీఐ అత్యాచారయత్నం
