MLC Kavitha Reacts on Adani Case : సోలార్ ఎనర్జీ కొనుగోలు ఒప్పందం కోసం 5 రాష్ట్రాల ప్రభుత్వాధినేతలకు ఆదానీ గ్రూప్ లంచాలు ఇచ్చినట్లు అమెరికాలో నమోదైన కేసుపై బీఆర్ఎస్ ఎమ్మెల్సీ కవిత ఎక్స్ వేదికగా స్పందించారు. ఆడబిడ్డకో న్యాయం.. అదానీకో న్యాయమా ? అని కవిత ప్రశ్నించారు. ఆధారాలు లేకున్నా, ఆడబిడ్డను అరెస్టు చేయడం మోదీ సర్కార్కు ఎలాంటి అడ్డంకులు ఉండవన్నారు. అదే ఆధారాలు ఉన్నా అదానీని అరెస్టు చేయటం మాత్రం కష్టమా అని ప్రశ్నించారు.
అఖండ భారతంలో
— Kavitha Kalvakuntla (@RaoKavitha) November 21, 2024
అదానికో న్యాయం...
ఆడబిడ్డకో న్యాయమా ?
ఆధారాలు లేకున్నా ఆడబిడ్డను కాబట్టి అరెస్ట్ చేయడం ఈజీ. ఆధారాలు ఉన్నా అదానీను అరెస్ట్ చేయడం మాత్రం కష్టమా ?
ఎన్ని సార్లు ఆరోపణలు వచ్చినా ప్రధాని అదానీ వైపేనా ??
ఎన్నిసార్లు ఆరోపణలు వచ్చినా, అదానీ వైపే ప్రధాని ఉంటారా అని కవిత తెలుగు, ఇంగ్లీష్లో చేసిన ట్వీట్లలో పీఎం నరేంద్ర మోదీని ప్రశ్నించారు. దిల్లీ మద్యం కుంభకోణం కేసులో కవితను సీబీఐ, ఈడీ అరెస్ట్ చేయడంతో తిహాడ్ జైలులో ఉన్నారు. కవితకు సుప్రీంకోర్టు బెయిల్ మంజూరు చేయడంతో 164 రోజుల తరువాత బయటకు వచ్చారు. కవిత హైదరాబాద్ వచ్చిన తరువాత ప్రస్తుత రాజకీయ పరిణామాలపై స్పందించడం ఇదే తొలిసారి.
They propagate Akhand Bharat but deliver Selective Justice!
— Kavitha Kalvakuntla (@RaoKavitha) November 21, 2024
Political opponents are arrested without evidence and put on trial for months, while Mr. Gautam Adani walks free despite repeated and grave allegations.
What’s stopping the Union Govt from acting?
అమెరికాలో అదానీ సహా ఏడుగురిపై కేసు : అమెరికాలోని న్యూయార్క్ కోర్టులో గౌతమ్ అదానీ సహా ఏడుగురిపై నమోదైన కేసుతో స్టాక్ మార్కెట్లో అదానీ షేర్లు కుప్పకూలాయి. ఆయన కంపెనీల షేర్లు పది నుంచి 22 శాతం వరకు నష్టపోయాయి. సౌరవిద్యుత్ కొనుగోలు ఒప్పందం కోసం వేర్వేరు రాష్ట్రాల ముఖ్యమంత్రులకు అదానీ గ్రూప్ రూ.2,029 కోట్ల లంచాలు ఇచ్చినట్లు ఆరోపణలు ఉన్నాయి. లంచాలు తీసుకున్న వారిలో అప్పటి ఏపీ సీఎం జగన్ మోహన్ రెడ్డికి కూడా రూ.1750 కోట్ల రూపాయల లంచం ఇచ్చారని బ్రూక్లిన్ కోర్టులో అభియోగాలు నమోదయ్యాయి.
